Vientiane, Lao PDR, [22 Setembru 2024] – Timor-Leste orgullu partisipa iha enkontru Ministru Ekonomia ASEAN (AEM) ba dala 56 nu’udar Observador .
Tuir komonikadu imprensa ne’ebe media LABEH asesu iha loron segunda (23/09/2024) esplika, Ministru Komérsiu no Indústria Timor-Leste Nino Pereira, ho orgullu reprezenta nasaun durante Enkontru Ministru Ekonómiku ASEAN (AEM) ba dala 56 no Enkontru Relasionadu sira ne’ebé hala’o iha loron 15-22 Setembru 2024 iha kapital Vientiane, Lao PDR. Ida ne’e marka tan pasu signifikativu ida iha viajen Timor- Leste ba integrasaun komunidade Ekonómiku ASEAN.
Timor-Leste, partisipa nu’udar observadór, simu ho laran-haksolok oportunidade atu partisipa iha diskusaun kritiku sira ne’ebé forma paizajen ekonómiku rejiaun nian. Enkontru sira ne’e fornese hanoin sira ne’ebé iha valór kona-ba inisiativa sira ne’ebé la’o hela iha ASEAN, partikularmente iha avansu integrasaun ekonómika rejionál liuhosi akordu komérsiu Sasán sira ASEAN nian (Trade in Goods), progresu ba akordu kuadru ekonomia dijital ASEAN no progresu importante sira kona-ba Komérsiu iha Servisu, Investimentu no área kooperasaun sira seluk tan.
Sorumutu sira ne’e mós oferese oportunidade atu envolve iha diskusaun sira kona-ba dalan adezaun Timor-Leste ba ASEAN. Timor-Leste hato’o nia agradesimentu ba Estadu-membru ASEAN no Sekretariadu ASEAN nian apoiu no asisténsia ne’ebe kontinua bainhira ita-nia prontidaun tékniku adezaun ba ASEAN hetan ritmu.
Timor-Leste mós halo konsultasaun ho parseiru diálogu ASEAN nian inklui Estadus Unidus, Japaun, Xina, Austrália, Nova Zelándia, Repúblika Korea, India, Reinu Unidu, Kanadá no seluk tan. Konsultasaun hirak-ne’e subliña sentralidade ASEAN nian ba ekonomia globál, no aprezenta oportunidade ida atu forma kooperasaun ekonómika, kolaborasaun no koordenasaun.
Ministru Koměrsiu no Indústria hato’o apresiasaun bo’ot ba Lao PDR nia lideransa no ospitalidade ne’ebé di’ak no sai uma nain hodi organiza Sorumutuk AEM ba dala 56 no sorumutuk sira ne’ebé iha relasaun. Lao PDR nia lideransa durante tinan prezidénsia ne’e asegura ona realizasaun sira iha ajenda ekonómika ne’ebé sei kria impaktu ba dėkada sira tuirmai.
Ba futuru, Timor-Leste prontu atu habelar ninia envolvimentu iha programa serbisu iha ámbitu Ministru Ekonómiku ASEAN nian iha Malázia nia Prezidénsia iha tinan 2025. Timor-Leste fiar katak Malázia nia lideransa sei orienta ASEAN ba realizasaun sira seluk no dezeja susesu ba Membru ASEAN hotu-hotu. Ba estadu membru sira bainhira serbisu hamutuk sei lori ekonómika prosperidade ba malu.
