Díli, 24/09/2024/ (LABEH) – Fundu Nasoens Unidas Ba Populasaun (UNFPA, Sigla Ingles) iha Timor – Leste kompromete ba governu Timor-Leste liu husi sekretariu estadu no igualidade (SEI), hodi kontinua apoiu ba sobrevivente ou vitima kazu violensia bazea jeneru (VBJ) liu husi fo formasaun duranteb loron tolu ho tema “ Hametin Ambiente Jestaun Kazu VBJ Iha Timor-Leste”
Tuir Jerente Programa Jenero Dircio Fransisco Xavier Fatima Ximenes hateten, realize atividade ida ne’e hanesan mandatu spesial UNFPA kontinua apoia desde uluk nian to agora, tanba ne’e kompromete kontinua apoiu parte relevante sira hodi fo kapasita atu nune’e sira bele iha konesimentu konaba kazu violensia bajea ba jeneru.
“Ami komprimintido sei kontinua apoio governu no parte relevante Sira inklui NGO lokal Sira kontinua reforsa Ita nia kapasidade atu fo apoiu no resposta ne’ebe diak liu ba sobrevivente ou vitima kaju violensia bajeia ba jenero”. Dehan jerente programa jenero Dircio Fransisco Xavier Fatima ximenes ba jornalista hafoin halo seminariu nasional iha Delta Nova Tersa 24/09/2024
Nune’e UNFPA kontinua reforsa sistema kestaun kaju iha Timor-Leste, nune’e bele asegura ka fo resposta ne’ebe efetivu ba kaju VBJ iha TL, inklui nivel munisipiu.
Iha fatin hanesan Representante SEI, Directora nasional politika igualidade jeneru Celeste Ramos Martins Goncalves dehan, seminariu nasional ida ne’e interesante tebes, tanba UNFPA fahe nia ideas ne’ebe diak hodi bele akumula politika prevensaun hodi fo Tulun ba maluk vulenaravel sira, liu liu ba vitima sobrevivensia sira ‘
”Ita koalia kona Prevensaun secretariu estadu igualdade generu mesak la bele deskobre buat hotu, tanba ne’e husu ba MS servisu hamutu ho SEI hodi indentifika no hare oinsa impaktu husi violensia bazeia ba generu, liu liu ba violensia sexual liga ho orgaun ne’ebe sensitivu ba ita nia maluk feto no alin feto sira ne’ebe mak idade minoridade sira iha Timor-Leste”. Nia hakotu
Reportajen : Estajiadu Ivonia Salsinha Mendonça & Pedrito Dos Santos
