Díli, 26/09/2024/ (LABEH)- Fundu Nasoens Unidasba populasaun (UNFPA, Sigla Inglesh) Iha Timor-Leste Servisu hamutuk ho Asosiasaun Jornalista Timor Lorosa’e (AJTTL) Realiza Treinamentu Saúde publíku no Jornálismu ba Media Nasional sira hamutuk nain 20 iha Yayasan HAK Kinta Feira ne’e atu hametin kapasidade Jornalista sira nian iha área Saúde Materna no Infantile, Planeamentu Familiar, Relasaun Saudável entre Juventude no Adolesente Inklui Violensia Bazeia ba Jeneru”
Tuir Ajunta Reprezentante UNFPA Domingas Bernado hateten, tuir dadus Saúde Demografia iha tinan 2022 tasa mortalidade inan sisin rua sira lakon nia bebe (Mate) iha inan nia kabun laran hamutuk rihun atus ida tanba ne’e UNFPA ho Ministériu Saúde iha tempu badak sei halo peskiza ida hodi bele hatene, tanba saida mak labarik sira barak mate iha inan nia kabun.
“ liga ho taxa mortalidade bebe mate iha kabun laran mak, Politika Ministériu Saúde esforsu halo Saúde Reprodutiva,Saúde Materna, Saúde bebe foin moris,ida ne’e mak bele gia pesoal servisu saude no hasa’e kapasidade pesoal saúde sira atu nune’e iha abilidade hodi servisu dia’k atu salva inan isin rua ne’ebe ba halo tratamentu iha sentru saude” dehan Ajunta Reprezentante UNFPA Domingas Bernado iha salaun iha Yayasan HAK 26/09/2024/
UNFPA- nia servisu mak, atu suporta Ministériu Saúde atu halo teinamentu ba pesoal Saúde sira liu-liu Partera no Medíku sira, atu bele iha konesimentu ne’ebe di’ak, nune’e fó atendimentu ba kaju komplikasaun sira, tanba dala barak inan isin rua barak mate tanba, kauja husi komplikasaun.
“Ha’u husu ba ba inan isin rua sira, tenke hakbesik ba ba Sentru Saúde hodi hetan Ante Natal tanba, dadaus Ante Natal minimu dala haat (4) wanhira fulan to’o tenke ba partus iha sentru saúde labele partus iha uma tanba, impaktu bo’ot tebes ba Inan no Bebe wanhira liu Oras rua Hemorajia la salva Inan nia Saude’’ nia afirma
Iha sorin seluk Jerente Programa, Dircio Francisco Xavier Fátima Ximes iha nia aprezentasaun hateten, Violensia bazeia ba jeneru hanesan termu abranjente ida ba kualker aktu prejudisial ne’ebe perpetuadu kontra ema ida nia vontade ho baze ba diferensia ne’ebe sosialmente atribuidu jéneru entre feto no mane.
“Dadus husi Saúde Demografia hatudu katak,feto sira esperensia iha nia moris nakonu ho violensia hamutuk %46 nune’e Oinsa atu kore aan husi moris violensia ne’ebe iha maka, papel Media importante, atu sensibiliza informasaun ba públiku nune’e liu husi dezamina informasaun ne’e bele Eduka vitima sira, nune’e bele kore aan husi violensia, atu asesu ba servisu ne’ebe disponivel inklui promove relasaun saudavel” dehan Jerente Programa, Dircio Francisco Xavier Fátima Ximes
Iha fatin hanesan Vise-Sekretária Jerál AJTL, Teodosia dos Reis hateten, durante Jornalista sira nia kobertura iha asuntu saúde menus liu, nune’e liu husi Kooperasaun AJTL ho UNFPA servisu hamutuk hodi fó formasaun atu kapasita Jornalista sira iha asuntu saúde publíku no jornalismu.
“Ha’u iha esperensa katak, ba future Jornalista sira sei fó sai informasaun ne’ebe kredivel no Edukativu nune’e bele Eduka publíku, Oinsa bele hasa’e koñesimentu públiku nian, atu bele deside ba nia aan katak, saida mak presija atu halo, tamba durante menus informasaun dala barak feto kategória subordinadu iha sosiedade nia le’et, ida ne’e mós kontribuisaun maka’as ba iha violensia nune’e Jornalista sira tenke sensivel asuntu ne’e, nune’e ema hotu bele moris livre husi violensia’’.
Enkuan iha formasaun ne’e atu kapasita jornalista sira nia iha area saúde materna no infantil, planeamentu familiar, relasaun saudavel entre juventude no adolesente no violensia bazeia ba jeneru.
Reportajen: Benvida da Costa
