Dili,14/10/2024 (MEDIA LABEH) – Fulan novembru tinan ne’e funsionariu suku ho xefe suku sira sei simu tan motorizada rua husi governo, atu halo funsionamentu servisu iha suku, tanba ne’e motorizada hirak ne’e dau-daun ne’e iha ona faze aprovizionamentu nian iha diresaun patrimoniu no hein hela faze atu monta numeru matrikula hafoin bele distribui ona ba suku sira.
Ba jornalista sira Director Jeral Desentralizasaun Governo Lokal (DGL) Antonio Agusto Guterres informa katak, ekipamentus ba funsionamentus servisu suku nian iha ona diresaun patrimoniu estadu nian hodi hein distribuisaun.
“Motorizada agora daduk ne’e iha ona faze deaprovizionamentu htu tiha ona ba iha diresaun patrimoniu para oinsa tau plat depois iha novembru ida hanesan ne’e ita distribui ona”dehan director jeral desentralizasaun governu local jose agostinho guterres segunda feira ne’e iha salaun etda comoro hafoin halo abertura formasaun ba funsionariu sira.
Director ne’e esplika, governo sei distribui motorizada rua ba kada suku sira iha teritoriu nasional no motorizada hirak ne’e ho unidade ne’ebe mak diferente entre xefe suku ho nia funsionariu sira. Enkuantu motorizada ba xefe suku ho marka klx no ba funsionariu suku sira marka ho meo beat, nune’e transporte hirak ne’e hodi utiliza de’it ba iha funsionamentu servisu sira iha suku.
“agora motorizada ne’ebe mak atu fahe ne’e iha motor rua bot ida no kiik ida kada suku ida, ida ba xefe suku no ida sai hanesan operasional ba sira nai’in ha’at ne’e, para halo funsionamentu servisu ba jestaun suku nian” haktuir nia
Nia informa tan katak , ligadu ho vestuariu ka uniforme ba funsionariu suku sira iha ona faze ba sukat medida husi utilizador sira, no hein tan avaliasaun koletiva iha nia modelu no mos em termus de kualidade nian.
“agora ba vestuariu suku nian maka ema ne’ebe mak manan na’in ba sukat mais ita tenki hare didi’ak iha ninia modelu mo mos hare ba ninia kualidade de ana ida ne’e mak la kleur tan no ami sei ba hasoru malu ho diresaun nasional de administrasaun suku para define kona ba vestuariu ne’e modelu halu nusa no kor oinsa” nia hakotu
Reportagem: Abrao da costa & Manuela Moniz
