Ainaro, 16/10/2024 (MEDIA LABEH)-Vise primeiru Ministru, Ministru Koordenadór Asuntu Sosial No Abitasaun Komunitária nudar prezidente komisaun Organizadór Festival Rabilau Mariano Assanami Sabino hateten Estado tenke promove foho istóriku sira nu’udar turizmu ekonómiku azul ba Timor-Leste. Vise primeiru Ministru hato’o asunto ne’e ba jornalista sira iha Rabilau kuarta feira ne’e.
Nia dehan iha komponente haat ne’ebé halo ida mak komponente festival Rabilau, ne’e promosaun kultura no turizmu ne’ebe mak lidera hosi sekretriu arte no kultura, ita mos iha edukasaun liliu ensinu superior ne’ebe mak lidera ho serimonia teknolojia, iha desportu ne’ebe ita hatene dili maratona tanba ne’e se iha aktividade oioin ne’ebe mak lidera hosi SEJD, iha promosaun liuliu bilioteka movel.
“Iha Rabilau ita hakarak promove ita nia paisajen no foho sira ne’ebe mak kapas, ita iha foho barak ne’ebe nu’udar forsa ba ita iha tempu rezistensia hanesan foho Ramelau, Matebian, Kablaki, ligumau, Tafara, Tapo no iha foho barak ita se promove ida ne’e”
Governante ne’e esplika turizmu iha komponente tolu ne’ebe mak importante ba airin ekonomia nian ida mak mina rai ho petroliu, komponente seluk mak agrikultura peska no Floresta nune’e iha nonu guvernu ita komesa ona promove ekonomia azul tanba ita nia tasi luan dala tolu hosi raio maran ida seluk mak turizmu ne’e rasik tanba presija hadia ninia infraestrutura no kondisaun hanesan ospital tenki di’ak, fatin ba servis tenki di’ak, bee mos, eletrisidade no dijitalizasaun ne’e importante atu promove turizmu.
“Parte turizmu iha komponente barak hanesan turizmu ekoloji ho tasi, turizmu relijiuzu, turizmu istoriku, turizmu kulinariu tanba turizmu oioin ne’ebe mak ita presija atu promove ida ne’e tamna airin tolu ne’ebe mak setor produtivu ne’ebe mak ita tau ka marka iha planu estratejiku tanba ita seidauk dezenvolve di’iak ida ne’e tanba ne’e ministeriu obras publiku ne’ebe iha esforsu makas halo estrada tama to’o mai iha Rabilau inklui bee mos, eletrisidade ho ministeriu sira seluk ne’ebe mak fo apoiu mai aktividade iha ne’e” nia esplika.
Programa ne’e mos parte ida atu promove paz, fraternidade umanu ne’ebe mak prezidente republika inisia servisu hamutuk ho guvernu atu promove ida ne’e maibe la to’o iha ne’e de’it se halo tan servisu lubuk ida liga ba kondisaun hotu-hotu.
“Sentina publiku lubuk ida iha ne’e ona tenki konserva ho didi’ak no ita se halo tan uma lubuk ida iha ne’e tanba ema mai la’os atu ba hela iha otel maibe mai iha uma ne’ebe mak tradisional ne’ebe mak kaps no seguru para ema bele hela nune’e tenki hadia ita nia uma ne’ebe di’ak ba ita no bainaka sira no hadia mos ita nia estadu tanba ne’e iha buat barak mak presija atu halop kompletu”
Komponente orsamentu ba festival ne’e mais ou menus milaun200 ital mai hosi orsamentu gabinete prezidensia nian ne’ebe komponente idak-idak iha ninia kolokasaun orsamentu ketak ketak.
Jornalista:Anibal do Espirito Santo
