Ainaro,18/10/2024 (MEDIA LABEH) -Orsamentu jerál 2025 Prezidente Autóriade Munisípiu(PAM)Ainaru sei tau importánsia ba sertór turizmu,Floreta no Agrikultura.Prezidente Autóriade Munisípiu Ainaru Manuela Georjinha Bucar da Costa hato’o asunto ne’e ba jornalista LABEH,hafoin partisipa iha serimonia Festivál Rabilau Maubise,17/10/2024.
“prioridade ba tinan 2025, hare ba potensial idade ami promove turizmu, segundu ami sei tau prioridade ba Floresta tanba iha ne’e potensiál ho kafé, ida seluk maka agrikultura ne’ebé ami tenke konsidera, prioriddes prinsipál maka tolu ne’e. Turizmu ne’e la’ós turizmu naturál de’it maibé mós turizmu relisioza, turizmu kulturál no iha fatin rezisténsia ne’ebé maka koñesidu iha Munisípiu Ainaru hanesan Jakarta dua, ne’e ita tenke promove nune’e ema bele koiñese hodi hatene kona ba istória fatin rezisténsia no fatin turizmu sira hodi sai fatin atraitivu ema hotu bele mai vizita” nia dehan
Enkuantu prezidente autoridade ne’e husu ba vizitantes hotu atu kontinua proteje fasilidade no labele soe lixu arbiru hodi hafoun fatin turizmu sira
” Ha’u husu ba vizitantes hotu katak beleza ne’e ita hotu nian, tanba ne’e ita hotu ne’ebé mai iha ne’e, ita hotu tenke hadomi fatin ne’e no labele soe foer Abiru no bainhira hare kondisaun balun ladiak bele rekomenda ba autoridade Munisípiu nune’e bele méllora buat hotu ho di’ak no mós iha fatin hotu-hotu no soe lixu tuir nia fatin maka ita hadomi natureza”..Remata
Reportagen :Anibal do Espirito Santo
