Díli,28/10/2024 (LABEH)- Ajensia nasoins Unidas haat hanesan UN Women, IOM, UNDP no UNFPA iha kolaborasaun ho sekretaria estadu ba Igualidade (SEI), liu hosi finansiamentu Jenerozu husi Ajensia kooperasaun Internasiona Koreia (KOICA), finaliza ona implementasaun programa ba projetu hamutuk igaulidade jeneru iha Timor-Leste durante tinan haat, hahu husi tinan 2020-2024.
Programe Manager Together for Equality UN Women Timor-Leste Nuntana Tangwinit hateten, Durante tinan hat ajensia sira implementa Programa ba projetu hamutuk igualidade jeneru nian la iha ona kontinuasaun, nune’e governu mak tenki hare oinsa ho parseria.
“Projetu la kontinua ona, no apoiu fundus husi KOICA mos to’o deit ona iha agora, maibe imi bele hela to’o loron rua, nune’e bele hare oinsa pratika sira ne’ebe mak ami halo ne’e integra tiha ona no institusionaliza ona iha instituisaun ne’ebe mak sai parseira ho governu ba projetu ida ne’e”. Dehan Programe Manager Together for Equality UN Women Timor-Leste Nuntana Tangwinit ba jornalista iha City8 Manleuana Segunda, 28/10/2024
Alende mos nia dehan, Iha tinan rua nia laran servisu hamutuk ho FMDC, no sira produs ona sistema jeneru reporting manual ba jornalista sira atu uja terminolojia, oinsa halo reportajen konaba violensia bazea ba jeneru nian.
Entretantu sekretaria estadu igualidade, Elvina Sousa Carvalho dehan, pozisaun governu liu husi SEI nafatin iha komitmentu atu kontinua programa ne’ebe mak diak, no sei nafatin servisu hodi bele kria sosiedsade ne’ebe kiik, no sosiedade ne’ebe bele komprende konaba violensia bazea ba jeneru.
Nune’e programa sira ne’ebe mak fundus husi parseria sira SEI apresia, no sei presija iha kontinuasaun, maibe ita hare tiha lai’ tamba agora sei iha hela evaluasaun.
“ami sei kontinua luta ba kontra desiguakidade no kualker tipu violensia hasoru feto no labarik feto iha Timor-Leste”. Nia hakotu
Reportajen : Adão da Costa & Aniba do espirito Santo
