Díli, 18/10/2024/ (LABEH)- Sekretária Estádu Komunikasaun Sosial realiza Semináriu Nasional ho tema “Importansia Servisu Jornalismu iha Sosiedade” hodi komemora loron Liberdade Imprensa ba dala rua (2 ) iha Timor-Leste ne’ebe monu iha loron 16 fulan outubru.
Sekretáriu Estadu Komunikasaun Sosial (SECOMS) Expedito Dias Ximenes, hateten Papel Média importante tanba liu husi média mak atu halakon informasaun falsu sira nune’e informasaun sira ne’ebe mak fo sai la iha duvida ba publiku
“agora dadun teknolojia ne’ebe avansadu tebes, entaun ema hotu bele halo notísia iha telefone no ikus hamosu hoax, disinformasaun no hoax ida ne’e hamosu dezentendimentu diskriminasaun iha sosiedade, enatun oinsa papel media nian, hanesan jornalista atu bele halakon informasaun falsu sira, nune’e la iha duvida ba publiku” , dehan Sekretáriu Estadu Komunikasaun Sosial (SECOMS) Expedito Dias Ximenes iha salaun CNE kaikoli 24/10/2024
Nia Esplika, Nonu Governu Konstituisional Nia haree ba situasaun riil ne’ebe akontese mak Governu hamutuk ho Konsellu Imprensa hodi fó informasaun ba Jornálista sira oinsá mak bele fó formasaun atu iha kualidade informasaun bele sai di’ak liu tan.
“Tanba formasaun no treinaentu sira mak dalan ne’ebe ita bele hasa’e kualidade informmsun tanba públiku sira sempre kestiona kona-ba kualidade informsaun tanba jornalista balun halo entervista ho membru Parlamentu balun ko’alia oin seluk jornalista hakerek oin seluk, entaun ida ne’e ita presija tau atensaun ba asunu ne’e”, Nia Esplika.
Iha fatin hanesan, komadante operasaun Nasionál Superintendente Xefe José Soares hateten, Média sira tenke sai independente, nune’e bele fó informasaun ne’ebé mak kualidade ba públiku iha rai ita rain.
“Ita hamutuk ho média ita haklean informasaun ne’ebe los, kredivel no atual ba komunidade Timor-Leste no mundu” dehan komadante operasaun Nasionál Superintendente Xefe José Soares
Entertantu iha Semináriu Nasionál ba komemorasaun loron Liberdade Imprensa ba da-ruak ne’e ho Orador nain tolu mak prezidente konsellu imprensa Oteliu Ote, Komadante Operasaun Nasionál Superintendente Xefe José Soares, Prezidente Asosiasaun Jornalista Timor Lorosa’e AJTL.
Reportajen: Benvida da Costa.
