Dili,14/11/2024 (MEDIA LABEH)-Organizasaun Timor-leste Press Union (TLPU sigla Portugues ), fasilita formasaun Literasia Mediátika, Mudansa Klimatika no Reportajen Munsipal ba jornalista sira hodi entende kona-ba oinsa kombate risku ba substánsia mudansa klimatika iha Timor-Leste,aktividade formasaun nee halo iha salaun Fokuperrs iha kinta feira nee.
Sekretariu Estadu Komunikasuan Sosial (SECOMS) Expedito Loro Dias hatete, Formasaun literasia Mediátika no Mudansa Klimatika ne’e importante tebe-tebes sai Hanesan diskusaun mudial, entaun formasaun ida ne’e ho nia objetivu atu eleva koinesemntu jornalista sira nian atu hodi habelar informasaun sobre mudansa klimátika.
“Ita nia nasaun Timor-Leste no ba mundu, dala barak ita koalia kona-ba literasia mediátika ho avansu teknolojia ne’ebe mak iha difisil ba ita atu define ida ne’ebe mak lia los no lian falsu tanba ne’e jornalista sira presija komprende literasia mediátika”. Sekretariu Estadu, Expedito Loro Dias Afirma.
Nia informa, mudansa klimátika afeta ba mundu tomak nune’e sai kestaun ba públiku, tamba ne’e papel media importante tebe-tebes atu hodi fahe informasaun ne’ebe maka logistik ba públiku hodi atende asuntu mudansa klimátika ne’ebe akontese iha teritoriu hotu.
“Mundu agora, kestaun mudansa klimátika sai diskusaun bo’ot tanba ne’e mak media nia papel importante oinsa mak bele lori informasaun ne’ebe los ba públiku, agora informasaun nia papel krusial iha sosiedade nia laran, entaun jornalista mak guarda katak kaer media lori lia los, hodi eduka no mobiliza sosiedade nia partisipasaun”. Nia hateten.
Iha fatin hanesan, Prezidente Timor-Leste Press Union Candido Alves hatutan, Sekretariu Estadu Komunikasuan Sosial servisu hamutuk ho TLPU atu fasilita formasaun ho nia tematika Literasia Mediátika ba iha Mudansa Klimatika ho Reportajen Munsipal hanesan dalan ida atu hodi esplora liu tan koinesementu ba iha jornalista sira hodi halo kobertura ba iha asuntu mudansa klimátika ne’ebe maka akontese.
“Ita fo formasaun ne’e tanba ita haree katak durante iha media sosial no media barak tanba ne’e mak ita hodi fo hanoin ba jornalista sira katak ita tenke tetu lia los mak ida ne’e antes ita publika notisia atu bele counter iha media sosial buat ne’ebe mak la los”, nia dehan
Entertantu iha formasaun husi Organizasaun Timor-leste Press Union servisu hamtuk ho ABC Deveplment ne’e atu fasilita formasaun ba jornalista sira ,estudante sekundariu sira, membru TLPU ho partisipante sira seluk tan.
Reportajen: Ekipa kobertura.
