Ermera, 21/11/2024/ (LABEH)- Relasiona ho mudansa Klimatika ne’ebe akontese bailiron naruk no udan mai la tuir nia tempu hodi afeita ba bee maran, ikus mai fo impaktu ba plantasaun kafé iha munisipiu Ermera inklui produtu sira seluk.
Tanba ne’e Relasiona ho mudansa Klimatika ne’ebé estraga hotu komunidade munisipiu Ermera nia plantasaun Kafé no mós produtu sira seluk, xefe suku Lauana Miguel Gomes Maia husu ba ministeriu kompetente atu apoiu povu agrikultor sira, nune’e komunidade agrikultor sira bele kuidadu sira nia plantasaun ai-horis sira, liu-liu plantasaun Kafé.
“Ami nia suku infrenta maka mudansa kliilmatika akontese bailoron naruk afeita ba be’e maran halo plantasaun moris la diak, liu-liu plansatasaun kafe no produtu sira seluk, tamba Ida nee maka aproveita media mai hakbesik hodi halo kobertura kona-ba situasaun real ne’ebé mak komunidade sira iha area rural infrenta, tanba ne’e husu ba ministeiru agrikultura mos bele suporta komunidade sira, liu husi rehabilitasaun kafe atu labele para deit maibe tenki ser kontinua , nune’e komunidade sira kuidadu sira nia plantasaun tamba ai-horis Sira nebe antigu tuan ona depois desenvolvimento balun mai mos estgra aihoris sira hanesan ai-samtuku Sira monu hotu entaun afeita ba produsaun komunidade komesa menus ba beibeik”.
Asuntu ne’e hato’o husi sefe suku Lauana postu Letefoho Munisípiu Ermera Miguel Gomes ba jornalista iha nia knaar fatin, hafoin jornalista hala’o Media Tour iha Ermera Kuarta Feira 20/11/2024
Nune’e autoridade Lokál nafatin ezizi ba governu ida atu apoiu agrikultor sira Liu husi rehabilitasaun bibeiru sira, hodi apoiu ba komunidade sira atu nune’e sira bele kuda fali ai-horis sira iha plantasaun sira ne’ebé mak Agora dadaun tuan hotu ona.
Enkuantu iha suku Lauana total populasaun hamutuk (3.959), no comunidade xefe familia total (991), alende mós Ema ho difisensia lubuk ida, hanesan difesensia matan, difesensia tilun, no iha mos difesensia mental.
Programa Média Tour ne’e realiza, tanba AJTL servisu hamutuk ho Oxfam Timor-Leste no hamutuk mós ho jornalista sira. Programa ne’e apoiu finansiamentu husi Oxagam Honkong.
Reportajem: Manuela Moniz
