Díli, 03/02/2025 – Komisaun Asesu Ao Ensinu Superior (KAES) finaliza ona rezultadu estudante foun tinan akademia rihun rua rua nulu resin lima iha UNTL no IPB kandidatu hamutuk rihun lima atus hitu haat nulu resin sia mak admitidu hodi hola parte iha UNTL no IPB ba tinan ne’e.
Ministru Messk Jose honorio hateten resultadu asesu ba ensinu superior rua ne’e servisu ho rigor tanba envolve lina ministerial sira no husu mos kandidatu sira ne’ebe pasa ona hare data nune’e bele halo registasaun.
“ ministerio ensino superior ho linha ministerial sira ho kaes komisaun ne’ebe organiza ideresu ba UNTL no IPB halo anunsiu ba rezultadu ne’ebe sira servisu durante fulan rua resin, komisaun servisu hodi hare ho rigor ho regra ne’ebe liu no hetan duni kandidatu Rihun lima atus hitu haat nulu resin sia ne’ebe pasa ba UNTL no IPB. husu ba kandidatu sira depois de avizu bele ba iha UNTL bele ba iha IPB Betano para sira bele rejistu hodi bele eskola iha UNTL no IPB instittuisaun rua ne’e instituisaun públiku tamba ne’e mak komisaun servisu ho rigor. tamba dala barak ema tau kestaun asesu ba inderesu ba UNTL mais ema la hatene komisaun nia servisu ne’ebe todan tebe-tebes servisu ida ke sira tenke halo atu asegura nafatin transparensia kontabilidade atu nune’e públiku labele tau kestaun” dehan MESSC Jose Honorio ba jornalista sira hafoin partisipa iha serimonia anunsia rezultadu ba kandidatus ne’ebe admitdu ba UNTL ho IBP iha tinan ne’e iha salaun MESSC Colmera sexta foin lalais ne’e 31/01/2025
Govenante ne’e husu ba Universidade Nasional Timor Loro Sa’e (UNTL) liu-liu dosente sira, atu hatudu nafatin profesional hanesan matadalan siensia nian nune’e bele orienta no forma estudante sira atu firme nafatin iha filleira ida ne’ebe mak kualidade liu tan.
Alein ne’e mos enkoraja nafatin universidade sira atu aranka no tau importansia ba iha lian ofisial ne’ebe mak preve ona iha konstituisaun RDTL nian hanesan tetum ho portugues.
“Hau hetete ba Reitor UNTL katak lian ne’ebe hanorin oin rua mak tetun ho portugues laiha tan seluk , iha konstituisaun Republika artigu 13 hateten klaru katak husu ba sira ne’ebe tau kestaun ba lingua ne’e hanorin ho diak tanba lian ne’e la mosu deit mai iha rejultadu iha istorikamente naruk mak ita uja lian tetun no portugues labele iha tan professor ida, labele iha dosente ida ka instituisaun ida mai tau kestaun fali ba lingua, lingua ne’e ita nia ita tenki aprende para fo motivasaun ba ita nia joven sira ita nia estudante sira. Se iha ensinu superior balun hanorin nafatin ho lian sira seluk,hau hateten ba sira, sira la komprimenta regras konstituinais artigu 13 konstituisaun da republika ne’e klaru ba Timor Oan sira hotu-hotu intituisaun publiku ka privadu tenki hanorin ho lian tetun ho portugues ne’e labele dekuti,tinan 20 ita sei diskuti lingua, ita hakarak lori nasaun ne’e ba ne’ebe, ema ne’ebe lakoi hanorin ho lian tetun ho portugues ne’e iha ninia intituisaun, ema ne’ebe lahatene istoria Timor nian, nee deit”
Reitor UNTL Joao Soares Martins agradese ba estudante sira ne’ebe pasa ona UNTL no IPB husu aproveita oportunidade atu hala’o estudu ho diak.
“Agradese ba sira ne’ebe maka selesionadu atu estuda iha UNTL no IPB ba sira ne’ebe iha oportunidade hetan selesaun ba tama iha UNTL no IPB parabens ba sira i husu ba sira bele aproveita oportunidade ne’e bele estudu ho diak iha UNTL no mos IPB. Ami estalese kalendariu akademika ona ba estudante foun sira ohin anunsia kalendario ba estabalesidu sei hahu prosesu de rejistrasaun sira ba estudante foun sira ba UNTL ne’e ami hetan rihun lima atus rua sanulu resin ida (5211)” remata
Reportagen: Ekipa Kobertura
