Díli, 03/02/2025 Média LABEH – Primeiru Ministru (PM),Kay Rala Xanana Gusmão husu plan internasionál ba Timor-leste atu aprezenta programa sira kona-ba direitu labarik no partisipasaun joven iha polítika dezenvolvimentu hodi ba aprezenta iha konselho Ministru (KM)
Segunda ,03/02/2025 Ekipa ne’e liderada hosi diretora interina Plan Internasionál Timor-Leste, Fátima Estrela Soares, akompaña hosi embaixadór bá foin-sa’e no diversidade, Kay Olo Sword Guasmão hasoru malu ho Primeiru Ministru (PM),Kay Rala Xanana Gusmão ko’alia Programa hosi Plan Internasionál ne’ebé durante ne’e hamutuk ho sosiedade sivíl hala’o iha Timor-Leste liu-liu iha munisípiu Aileu, Ainaro no Manufahi maka dezenvolvimentu komunidade, foku bá direitu labarik no foin sa’e sira, empoderamentu ekonomia iha baze no protesaun bá labarik.
Tuir peskiza hosi Plan Internasionál deskobre katak kaben sedu no isin-rua sedu kontinua aumenta iha Timor-Leste ne’ebé konsidera hanesan risku bo’ot bá nasaun.
“Tanba ne’e Primeiru-Ministru fó-hanoin atu haree assuntu ne’e sai prioridade no Xefe Governu fó apoiu atu kontinua servisu hamutuk ho Governu,” Fátima Estrela Soares remata ba jornalista sira hafoin remata enkontru ho Primeiru Ministru iha palásiu Governu
Primeiru-Ministru husu bá Plan Internasionál atu prepara planu estratéjiku no planu anuál hodi aprezenta iha Konsellu Ministru, no planu ne’e presiza dezeña oinsá tulun Governu hodi haree bá direitu labarik no foin-sa’e sira.
Plan Internasionál Timor-Leste maka organizasaun rekoñesida no hetan respeitu ne’ebé servisu haree liu bá dezenvolvimentu komunitáriu no direitu labarik iha país, foka bá direitus labarik feto no igualdade jéneru.
Plan Internasionál servisu hamutuk ho labarik sira, joven sira, parseiru sira hodi luta bá mundu ida ne’ebé justu no ema hotu hanesan.Remata
Reportajen: Anibal do Espirito sant
