Letefoho, 21/11/2024 (LABEH)- Eskola bázika Filial (EBF) No.238 Tata-Mailau Leu-Basa postu administrativu Letefoho, Munisípiu Ermera menus sala aula, nune’e prezudika ba estudante sira atu tuir prosesu aprendizazen, tanba escolar refere iha sala rua de’it nune’e estudante sira sala rua nian tama hamutuk iha sala ida de’it.
Tuir kordenador EBF No.238 Tata-Mailau Leu-Asa Daniel da Conceição katak, dadaun ne’e EBF Tata-Mailau hasoru problema hanesan menus aula ba estudante sira hodi hala’o prosesu aprenijajen, tanba eskola refere iha aula tolu de’it maibé estudante sira hahu husi primeiru ano to’o sestu ano, nune’e mós sala ida ne’e uza ba armajen no eskritoriu inklui sala de aula, labarik sira eskola iha sorin profesóres sira uza sorin.
” Ami menus aula hodi estudante sira uza ba prosesu aprenijajen, tanba ne’e mak aula ida primeiru ano no segundu ano hamutuk, treseiru ano quarto ano hamutuk, nune’e mós hanesan quinto ano no sexto ano hamutuk, ami tenke halo hanesan ne’e, tanba eskola dader hotu “. Dehan kordenador EBF Tata-Mailau Leu-Asa Daniel da Conceição b jornalista sira iha nia knaar fatin postu adminitrativu Letefoho, Kinta 21/11/224
Iha fatin hanesan Xefe Aldeia Alfredo Maia Pires haktuir durante ne’e servisu hamutuk ho professor sira hodi haree ba prekupasaun ne’ebé mak eskola ne’e hasoru tanba ne’e halo ona proposta ba parte edukasaun maibé seidauk iha resposta to’o agora.
“Bainhira aula Menus ba estudante sira atu hala’o prosesu aprendizazen, entaun pasensia Professor sira tenke tau hamutuk estudante sira sala rua iha aula ida, entaun ha’u senti ne’e ladun di’ak ba estudante sira hodi aprende”. Dehan xefe Aldeia
Aliende ne’e Alfredo salienta, eskola refere aldeia haat mak eskola iha EBF ne’e, hanesan aldeia Leu-bassa, Abasai, Hatulia Lelo no Le’aba Kraik, tanba ne’e autoridade refere hakarak mós rekomenda ba governante liuliu Ministerio Edukasaun nune’e bele aumenta tan sala de aula, hodi estudante sira bele uza, tanba estudante sira ne’e mak futuru nasaun nian.
Enkuantu totál estudante iha EBF No.238 Tata-Mailau Leu-Asa estudante hamutuk 189 , kompostu husi feto nain 112 no mane nain 77, alende mós professores sira ne’ebé hanorin estudante sira hamutuk na’in hitu.
Reportajem: Manuela Moniz
