Díli, 19/12/2024 (MÉDIA LABEH) -Preimeiru ministru (PM), kay Rala Xanana gusmão husu ba joven sira atu kria paz no estabelidade iha joven ida idak nia an hodi festeza loron natal no tinan foun.
Xefe Governo hato’o apelu ne’e ba jornalista sira iha palasiu prezidensiál kinta(19/12/2024), hodi hateten ba joven sira hotu iha tinan kotuk, ita hotu kontente tebe-tebes tanba iha periódu natál la akontese buat ida, to’o fimdu anu hotu-hotu iha Palásiu Prezidensiál simu tinan foun 2024 la akontese buat ida.
“Ho ida ne’e mak nu’udar Primeiru Ministru no hodi Prezidente Repúblika nia naran ami fiar tebes katak joven sira iha bairu-bairu sira ne’e, ita kaer tuir mensajen Papa Francisco nian foin daudauk mai, imi rasik mak hatudu ba mundu katak pás no estabilidade iha imi nia liman, iha imi nia ulun, iha imi nia hahalok”
Xefe governu ne’e hatutan Papa Francisco to’o tiha Vaticano ba vizita rai seluk temi Timor-Leste kontente iha enkontru ho joven sira iha CCD, kontente tanba la akontese buat ida, ne’eduni apelu bo’ot ba joven hotu-hotu ba Timor laran liu-liu iha Dili hadomi malu ba, kaer metin ita nia nasaun ninia orgullu ne’ebé Papa Francisco rasik bainhira nafatin seluk nia hatudu.
Iha tinan ida ne’e iha Portugál selebra loron mundiál juventude no tinan mai ne’e sei iha Korea du Súl Papa Francisco sei ba no joven sira mós sei ba husi Timor, ita buka hametin nafatin mundu ninia koñesimentu kona-ba Timor ne’e. rai ida ne’ebé sei iha problema barak duni, mas rai ida ne’ebé, liu-liu joven sira bele kaer metin pás, estabilidade no harmónia.
Alende Primeiru Ministru no hodi Prezidente Repúblika nia naran ami fiar tebes katak joven sira iha bairu-bairu sira ne’e, ita kaer tuir mensajen Papa Francisco nian foin daudauk mai, imi rasik mak hatudu ba mundu katak pás no estabilidade iha imi nia liman, iha imi nia ulun, iha imi nia hahalok.
Iha biban hanesan Prezidente Repúblika, José Ramos Horta Hamutuk ho Primeiru Ministru, nu’udar orgaun estadu, nu’udar líder nasionál hakarak hato’o hato’o hakuak boot ba povu tomak no ba moras iha hospital no prizoneiru sira maka iha
“ami nia votus natál kmanek ba família sira hotu-hotu iha Timor-Leste, família Timoroan sira ne’ebé iha liur, iha tasi balun ne’ebé buka moris iha rai seluk, estuda no ba moras sira iha hospitál, sira iha prizaun no iha ne’ebé de’it, ami haruka votus natál kmanek no tinan foun ne’ebé sei di’ak liu tan, hakuak bo’ot ba imi hotu-hotu, ba ferik, katuas, kiik oan, no hotu-hotu no Timor-Leste no mós iha rai sira seluk”
Primeiru Minitru(PM), Salienta Kona-ba enkontru ho Prezidente Repúblika la’ós buat hotu-hotu ami ko’alia ne’e tenke ko’alia ba imi, Prezidente Repúblika horsehik foin mak mai husi liur no ha’u horsehik enkontru ho luron sira ne’e no depois mak imi haree nia rezultadu. Remata
Jornalista: Anibal do Espirito Santo
