Díli, 20/01/2025, (MEDIA LABEH)- Autoridade Protesaun Civil (APC) Rezista tipu ba dezastre naturais husi semana kotuk, loron sanulun resin tolu to’o ba loron rua nulun (20) fulan ne’e, husi afeitadu maka hamutuk rua nulun resin hitu(27)
Liu husi komunika imprensa ne’e xefe seksaun Externa APC- Nelson Nunes De Orleans relata katak iha APC kada semana halo relatorio semenal nia ba iha dezastre naturais iha teritorio no ba iha rejiaun sira hotu.
“Hahu iha loro 13-20 Janeiro 2025, Durante Semana ida ne’e, iha rejiaun Timor-Leste normal no akontese tipu dezastre naturais maka CNOPC- APC rejistu, kazu dezastre hamutuk mak hanesan, Bee sae (0) ,Ahi han (2), Anin Bo’ot (3), Rai halai () Prienxe Kriteria (5), Apoiu deit Emerjensia (1) (Mate 1, mota lori sedauk hetan 1), Numeru Ema Afetadus (27) Ema evakua () liu-liu iha Munisipiu sira hanesan tuir mai ne’e, Municipio Aileu Rai Lakan Fera ema Ida (1), Municipiu Baucau Ahi han uma (1), Municipio Dili anin sobu (1), ahi han (1), Municipiu Ermera Anin sobu uma (1). Municipio Manufahi Anin sobu (1), Municipiu Viqueque mota lori ( mate 1 sedauk hetan), Ahi han (1)”,nia hateten.
Nia dehan,Comando APC Munisipiu ho Parseirus Relevante fornese asistensia emerjensia ba familia afetadus sira mak hanesan Ai-han no laos Ai-han (food item and Non-food Item),Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon.
Xefe Externa ne’e mos haktuir,CNOPC-APC bazeia ba informasaun previzaun Tempu husi Diresaun Nacional Meteorologia no Geofisica (DNMG) -MTC, iha semana kotuk nia laran husi loron 13 too ba loron 20 fulan Janeiro 2025.
“Kondisaun Tempu,iha semana kotuk nia laran atmosfera estavel ka kalohan taka iha Territoriu Nacional kauza udan Fraku-Naton kuaze iha municipiu hotu bele lokalmente udan Forte liuliu iha municipiu Aileu, Ainaro, Baucau, Manatuto, Manufahi, Vikeke no Lautem”, nia kestiona.
Entertantu iha komnikadu ne’e xefe seksaun ba Externa APC, ne’e informa katak husu ba iha komunidade no sosiedade sira hutu ne’ebe maka iha teritorio no ba iha rejiaun hotu iha timor laran tomak nafatin atensaun iha ida-idak nia aan,atu nune’e bele hadook aan husi dezastre sira.
Reportajen :Anito da Silva & Abrão da Costa
