Dili, 06/02/2025 MEDIA LABEH – Ligadu ho Eleisaun Suku ne’ebe realiza iha suku sanulu resin ualu iha munisipiu ualu, ne’be akontese iha semana ida liu ba fulan Janeiru tinan ne’e, hatudu katak, suku sanulu resin tolu mak hetan rezultadu ba primeira ronde no suku lima seluk iha munisipiu rua inklui raeoa sei avansu ba eleisaun segundu volta.
Tanba ne’e liu husi Secretariado Teknico De Admistrasaun Eleitoral (STAE) anunsio katak dau-daun ne’e suku lima iha munisipiu tolu hanesan Emera, Manatutu No Rae-Oa, kontinua avansa eleisaun suku ba segunda volta ,tanba durante prosesu eleisaun la’o kandidatus sira la hetan rezultadu ne’ebe mak la tuir rekejitus pur sentu lima nulu mais um (50% +1//
Iha aprezentasaun rezultadu eleisaun nian Diretor Jeral Da Administrasaun Eleitoral Elviro Fernandes Monis informa eleisaun suku ne’ebe mak foin lalais realiza ne’e suku sanulu resin tolu mak avansu ho sira nia sefe suku eleitu ho estrutura no suku lima seluk iha munisipiu rua inklui ho raeoa sei avansu ba eleisaun segundu ronde iha loron sanulu fulan fevereiru tinan ne’e.
“Ita sei hala’o serimonia distribuisaun material sensitivu no naun sensitivu ba iha munisipiu sira ne’ebe mak sira nia suku avansu ba segundu ronde, tantu iha suku lima mak avansa ba iha segundu ronde” dehan Dj STAE Elviro Fernandes iha nia diskursu hafoin halo distribuisaun material ba autoridade munisipiu tolu ne’ebe mak sei compete iha eleisaun segundu volta ne’e, iha resintus STAE Cai-Coli Quinta semana ne’e.
Iha fatin hanesan Vise-Prezidente Komisaun Nasional Das Eleisoens Domingos V.Barreto,/ Mos Akrersenta Tan/, komisaun nasional das eleisoens sei prezensa iha prosesu durante eleisaun nune’e garante nafatin, demokratikus hanesan temi ona iha konstituisaun RDTL iha artigu neen nulu resin lima (65) alinea rua (2) ne’ebe haruka hodi fo kompetensia ba CNE atu tau matan iha prosesu eleisaun sira.
“komisaun nasional da eleisaun nia papel ne’ebe mak kontribui atu tau matan, ba aktus eleitoris sai ida de’it mak akontese iha pais ida ne’e komisaun nasional eleisoens para tau matan hanesan iha konstituisaun rdtl artigu 65 numeru 2 hateten, eleisaun suku ne’e fo liu kompetensia ba autoridade lokal sira” afirma vise prezidente CNE.
Nune’e mos reprezentante autoridade seguransa PNTL munisipiu dili, antonino mauluta informa, husu ba ekipa tranformadu sira atu asegura material ne’ebe mak distribui ne’e to’o iha fatin sentru votasaun nian ho di’ak, nune’e parte husi seguransa nian sei apoio nafatin halo seguransa ba prosesu hirak ne’e.
“atu asegura material eleisaun ida ne’e bele la’o ho di’ak to’o fatin, da huluk idak-idak tenki asegura uluk an atu nune’e bele asegura material, tanba lei dehan salva an salva sasan no salva ema seluk ne’e mak bele iha susesu ba transportasaun nune’e komandante munisipiu tenki halo kontrola ba ekipa STAE ho CNE Sira” Haktuir Mauluta
enkuantu relasiona ho eleisaun suku ne’ebe mak la’o tiha ona iha semana hirak liu ba iha munuispiu lima kompostu iha suku sanulu resin tolu mak mantein ho eleisaun ronde da huluk no suku lima seluk husi munisipiu rua inklui RAEOA sei avansa ba ronde da ruak, entre tanu suku lima ne’ebe mak avansa ba eleisaun ronde da ruak mak hanesan,suku Poetete Lodudu, ho Poetete Villa, iha munisipiu Ermera, suku Iliheu iha Munispiu Manatutu no Mone-Neko ho Cutete iha RAEOA.
Ekipa kobertura.
