Díli, 16/04/2024 / (LABEH) – Konsellu Imprensa servisu hamutuk ho ABC- ID internasionál development hala’o lansamentu ba livru ida ho naran matadalan jornalízmu inkluzivu
Prezidente Konsellu Imprensa Timor-Leste, Otelio Ote hateten livru ida ne’e lansa tanba iha koperasaun ho ABCID no mos uja tempu naruk hodi halo peskiza ida ne’ebe konteudu ida relasiona asuntu inkluzivu.
Nune’e mos Konselu Imprensa nu’udar orgaun regulador ida, maibe nia iha kompeténsia mos atu eleva kapasidade jornalista sira nian
“ Konsellu Imprensa servisu hamutuk ho parseiru ABC-ID,hodi lansa livru ida ne’e , no livru ida ne’e lansa liu husi prosesu hanesan peskiza ho konteudu asuntu inkluzivu. KI nu’udar orgaun regulador ida, maibe iha kompetensia atu eleva kapasidade jornalizmu ba jornalista sira ,Livru ida ne’e util tebes ba jornalista sira iha teritóriu timor tanba ita hatene katak jornalista barak halo ona notisia ka iha sira nia produtu jornalistiku , maibe barak ladauk intende didiak asuntu inkluzivu.” Pr KI ba jornalista sira iha suai room timor-plaza tersa 16/04/2024
Diretor ABCID, Aaron Kearney iha diskursu hateten, lansamentu livru ne’e ondra bo’ot ba ABCID internasionál development hodi apoiu Konsellu Imprensa iha publikasaun matadalan ne’e ba jornalista sira.
“Ondra ida ba ABC-ID internasional development hodi apoiu konselu imprensa iha publikasaun matadalan ne’e ba jornalista sira.Ami servisu hamutuk ho konsellu Imprensa Timor-leste Liu husi Programa Dezevolvimentu Midia iha TL.” Diretor ABCID esklarese
Reprezentante Provedór Direitus humanus, Rigoberto Monteiro, objetivu husi lansa livru ida ne’e oinsa kria sosiedade neˈebe inkluzivu papél mídia importante iha prosesu dezenvolvimentu sosiedade ida ne’e.
“Midia mos kontribui liu husi dokumentu ida ne’e ba kompetensia ka knaˈar provedor direitur humanus nian, iha komtempla iha 27 kdrtl fo satisfasaun ba sidadania , se ita midia hakerek notisia diak en relasaun ho sosiedade inkluzivu, automatikamente sosiedade difisiensia , LGBTIQ sira senti kontenti.” Reprezentante Provedor Direitus humanus, Rigoberto Monteiro konfirma
Reprezentante Sekretária Estadu Igualdade, diretor jerál Armando da Costa, iha diskursu haktuir , lasanmentu ofisiál ba matadalan jornalízmu Inkluzivu ho tema ne’ebe interesante koalia kona-ba rekoinesimentu no diversidade.
“Iha SEI koalia kona-ba promosaun igualdade fo hanoin katak ita koalia igualidade ninia baze lolos mak rekonesimentu ba diversidade, tanba iha diversidade mak koalia igualdade. Se ita iha sosiedade nebe kompenente igual ona ne’e la presiza koalia tan kona ba igualidade, tanba hotu-hotu hanesan , entaun diversidade iha hanoin , idade, kultura, politika , hanoin no seluk tan”
Diretor jerál ne’e realsa , papel midia importante tebes ba moris loron-loron nian, tanba sai ajente transformador informasaun ba sosiedade , liu-liu kontestu inkluzivu.
Iha fatin hanesan reprezentante media LABEH, Sidónia Fernandes, kontenti no agradese ba Konselu Imprensa ho nia parseiru sira, tanba liu husi lansamentu matadalan jornalismu inkluzivu ida ne’e, oinsa bele sai hanesan matadalan no referensia ba jornalista no media sira.
“ Em nome midia LABEH, hato’o agradese ba Konsellu Imprensa Timor-leste no nia parseiru sira, tanba bele lansa ona livru matadalan jornalizmu inkluzivu , hodi bele sai hanesan referensia ba midia no jornalista sira, hodi la’o tuir, tanba dala barak ita hare katak produtu jornalistíku balun ka iha lia-fuan balun ladun sensivél ba maluk sira EHD no LGBTIQ+ sira, nune’e espera liu husi madalan ne’e bele apoiu midia no jornalista sira iha hakerek no kontiudu sira”, dehan reprezentante media LABEH
Lansamentu livru matadalan ne’e hetan partisipa husi diretor ABCID internasionál development, prezidente konsellu imprensa ho nia membru sira, reprezentante SEI, reprezentante provedor direitus humanus, LGBTQ, ema ho defiensia, radio komunidade inklui media nain sira.
Reportajem: Ekipa Kobertura