Dli, 16/04/24 (LABEH) – Vise Primeiru Ministru VPM, Mariano Assanami Sabino Lopes, Ministru Koordenadór Asuntu Ekonómiku,Françisco Kalbuady Lay, Ministra Saúde Elia Amaral hamutuk ho Embaixador japaun koalia kona-ba atu servisu hamutuk hodi halo dezemvolvimentu setór saúde nian iha timor-leste.
Vise Pimeiru Ministru, Ministru Koordenador Asuntus Sosiais no Ministru Dezenvolvolvimentu Rurál No Abitasaun Komunitária, Mariano Assanami Sabino Lopes, hateten,hanesan ohin hatete ona saida mak Japaun atu fó mai timor leste, atu halo saida iha futuru.
“Hanesan ministru koordenadór asuntu sosiál, hamutuk ho ministra saúde sira prontu para atu haree ba asuntu ida ne’ebe maka ohin iha enkontru nia laran disidi ona husi governu timor-leste ho governu japaun,” dehan Vise Pimeiru Ministru, Ministru Koordenador Asuntus Sosiais no Ministru Dezenvolvolvimentu Rurál No Abitasaun Komunitária, Mariano Assanami Sabino Lopes, iha saaun ministeriu turizmu tersa 16/04/2024
Governante nee hatutan, Ministra sei haree katak ne’e, aban aprezenta ba iha konsellu ministru hodi aprova, depois governu sei entrega ba embaixadór atu kontinua haree ba oin.
Sorin seluk I Vise PM, Ministru Koordenador Asuntu Ekonómiku, Francisco Kalbuadi Lay, informa enkontru ida ohin entre governu TL liu husi vise PM na’in rua, ministra saúde hamutuk ho embaixadór Japaun hodi diskute posibilidade Japaun nian apoiu iha area saúde.
“Dadeer ne’e ami na’in tolu hamutuk ho embaixadór haree iha posibilidade ne’ebé mak Japaun atu ajuda mai iha area saúde nian”, I Vise PM Kalbuadi Lay informa.
Governante ne’e mos hatutan, agora parte saúde ida ne’e asuntu sosiál, governu Japaun sempre apoiu, hodi haree ba dezenvolvimentu TL nian ba oin.
“Imi hatene katak Japaun sempre sai hanesan parseiru ida nasaun ida ne’ebé mak iha relasaun di’ak tebes-tebes ho Timor-Leste,” nia esklarese.
Dezde prosesu haree ba TL nia integrasaun no independénsia too ohin loron, iha prosesu ida ne’e too ohin loron sira la para sei kontinua fó apoiu iha rekursu umanu no dezenvolvimentu iha setór saúde.
Reportajen: Anito Da Silva
