Díli- 8/11/2023 (LABEH)- Kuarta feira ne’e, iha Timor Plaza Suai room , traballador Re-entry ka tuan Fidencio Alves dos Santos, Wainhira Partisipa iha serimonia Asina deklarasaun entre Familia ho SEFOPE, haktuir , nu’udar traballador ne’ebe atu ba servisu iha ema nia rai presiza apoiu husi familia , liu husi orasaun, agradese no domin mask abele fo korajen ba sira hodi hala’o servisu ho diak
Tuir traballador, Fidencio Alves dos Santos, hateten reprezentante familia atu hato’o deit buat tolu maka, orasaun, Agradese,no Domin
“ Ha’u servisu iha Australia, tina, lima ona, iha ami nia kompanna hanesan timor oan ha’u servisu iha parte irigasaun nian atu kontrola bee no tau matan ba aifuan ne’ebe iha toos. Reprezentante familia atu hato’o deit iha buat tolu orasaun, Agradese, no domin, orasaun atu husu ba inan aman sira haforsa ami, tulun ami liu husi orasaun hodi luta iha ema nia rai, agradese ho buat ne’ebe ami senti i sakrifisiu ne’ebe ami hetan ida ne’e husi ita boot sira nia tulun no husi orasaun hodi akompaña ami, domin maske ami iha ema nia rai maibe ho sakrifisiu osan ho domin ho buat hotu ne’ebe ami iha ,ami nafatin ita boot nia oan ita boot nia laen nafatin ita boot nia fen katak buat hotu sei la muda atu osan bele barak, maibe ho domin ita kria buat ne’ebe furak, tanba osan barak domin naksobu buat hotu sei la vale,” Traballador, Fidencio Alves dos Santos, dehan (8/11/2023)
Iha Fatin hanesan Inan husi Traballador, Pasquela Alves hato’o agradese ba Governu Timor leste liu husi Sekretário Estado Profisional Emprego (SEFOPE) no Governu Autralia.
“Ha’u hakarak hato’o agradese ba SEFOPE no mos Governu Autralia tanba fo tan oportunidade ba oan sira hodi bele ba sevirsu iha Autralia, husu ba oan sira nafati kumpri regras sira no hare malu hanesan feton ho na’an,” Inan husi Traballador Pasquela Alves, hateten
Entretantu traballador Fidencio Alves do Santos husi munisipiu Viquque Postu Administrativu Luca
Reportajem: Ekipa kobertura
USAID Ho UNICEF Hamutuk MS, Lansa Projetu Apoiu Orsamentu Hodi Suporta No Responde Covid-19 Faze Da-Haat
Díli-09/11/2023 (LABEH)- kinta-feira ne’e, iha salaun enkontru Palacio Da Cinzas Caicoli United States Agency For International Development(USAID)Ho United Nations Children Fund(UNICEF) hamutuk ho Ministeíru Saúde hala’o lansamentu ba projetu apoiu orsamentu hodi suporta no responde ba prevene covid-19 iha timor-leste ekstensaun ba faze dahaat nian no haforsa Sistema Saude iha TL
Tuir Vise Ministru Saude , Jose Dos Reis Magno, hateten ohin marka ikus husi programa uniku ida ne’ebe implementa liu husi parseira diak husi Ministeiru Saude,USAID no UNICEF
“Ohin ami iha ne’e atu marka marku ikus husi programa uniku ida ne’ebe implementa liu husi parseiru diak hosi Ministeiru Saude,USAID no UNICEF, parseira ida ne’ebe hahú iha tinan 2020 iha pandemia covid-19 nia leten, iha tempu ne’ebe presiza esforsu kolaborativu no planeadu atu salva moris no hapara tan pandemia ne’e, nia habelar.tuir lolos pandemia covid-19 kaer ita hotu la hatene no nia impaktu sira kontinua to’o ohin loron, ” Vise Ministru Saude , Jose Dos Reis Magno, hateten
Nia hatutan, liu husi parseiru entre Ministeru Saude , USAID no UNICEF , halo intervensaun krítiku sira iha mobilizasaun komunitária,fornesimentu sasan salva vida no renovasaun ba instalasaun bee, saneamentu no ijene iha sentru saude sira
“Liu husi parseiru, Ministeru Saude,USAIDno UNICEF, intervensaun krítiku sira iha mobilizasaun komunitária,fornesimentu no sasan salva-vida sira no mos renovasaun ba instalasaun bee, saneamentuno ijene(besi sigla tetun) iha sentru saude sira,kontrubui ba kontrolu virus ne’e.ida ne’e hala’o tiha iha faze oi-oin,ho faze da-3 besik remata iha dezembru 2023.lansamentu ba faze da-4 sei tulun atu mantein dinamika hodi prepara pais ne’e hasoru dezafiu sira iha future,” Vise Ministru Saude , hakle’an
Entretantu iha atividade lansa projetu orsamentu ne’e hetan partisipa husi, vise ministeru saude, parseiru sira husi USAID no UNICEF, parseiru dezemvolvimentu no sociedade sivil, konvidadus inklui media sira
Reportajen: Marcia soares
