Díli, 08/05/2024 ( LABEH) – Fulgencio mai husi munisípiu Bobonaru postu-administrativu atabae, nuˈudar joven ida ne’ebe potensiál inovativu no kreativu ne’ebe produz rasik materiál teste skil ubs (ubiqutous based test) ka exame material no eps-topik (employment permit system- test of proficiency in korean) mak hanesan rin kadeli no ai kadi kakutak ka ai monta pink hodi aumenta ema nia kuñesimentu iha lian korea.
Fulgencio maia hateten materiál ne’ebe nia produz hetan siensia husi aplikasaun youtube, nune’e hamosu ideia hodi kria rasik matrial refere, nune’e mos hetan rekomendasaun husi SEFOPE rasik.
“Ha’u produz ai kadi kakutak ka ai monta pink no rin kadeli ida ne’e ha’u la hetan formasaun ruma husi sentru balun no hau la aprende husi ema, ida ne’e ha’u aprende husi tutorial youtube, ntaun ho inisiativa rasik hodi halo no mos hetan rekomendasaun husi sefope,entaun iha momentu ne’e ha’u produz. Hau nia begraun mos hanesan ema arte ida, ha’u sente buat ne’ebe SEFOPE rekomenda mai ha’u, ha’u hare fasil ba ha’u fasil ba ha’u hodi produz nune’e oferese ba publiku,” dehan Fulgencio ba media LABEH, 08/05/2023 iha faról díli.
Nia dehan hahu hala’o kratividade ida ne’e husi tinan 2023 no nia mos hanesan estudante kslp lian korea iha bekora.
“ Momentu ha’u produs materiál ne’e iha tinan 2023 no ha’u mos hanesan estudante kslp lian korea iha bekora. Momentu ha’u halo atividade ida ne’e ha’u la iha inisiativu atu fa’an ba públiku. Entaun ha’u produz lori ba sentru formasaun lian korea iha bekora ami uza gratuita no hau mos oferese ai meza 5 ba kslp sira uza hodi fo trnu ami inklui mos ha’u no iha ne’eba mosu ona katak kada individual atu sosa hau nia material uza mesak atu nune’e senti fasil, entaun SEFOPE sira mos hakarak kontratu ha’u hakarak hola” dehan nia
Nia hatutan materiál ne’ebe nia produz kada aitem ho folin $ 40 usd ba materiál kadi kakutak ka ai monta pink no rim kadeli ho folin $50 usd .
“ Folin materiál ne’ebe SEFOPE rekomenda ho folin kada meza ida $40 usd ba rim kadeli mak folin $50 usd tan nia prosesu kleur no uza materiál barak nune’e nia folin karun oitoan” nia deklara
Enkuantu Fulgencio harak mehi sai busines man no sei iha planu atu kria grupu ne’ebe boot nune’e kria kampu traballu ba joven sira ne’ebe kreativu no iha vontade atu servisu liu-liu iha area arte nian.
Reportajem: Eufrásia da costa, Benvida da costa
