Díli 08/05/2024 (LABEH) – Selebrasaun loron Mundiál Cruz vermelha Timor-Leste (CVTL, sigla português) no kresente vermellu ba dala 161 ho aktividades doasaun ran ho objetivu atu mantein humanidade nafatin viva ou umanidade moris nafatin no hamoris nafatin umanidade.
Ligadu ho loron ualu (8) Fulan Maiu nebe kada tinan ema hotu iha mundu tomak hamutuk hodi Selebra loron mundial Kruz vermella no krescente vermellu no mos Selebra loron Moris fundador Henry Dunnant nian, ida ne’ebe hahú komite internasional cruz vermelha núdar ema dauluk né’ebe simu premiu Nobel da paz.
Iha selebrasaun ne’e reprezentante kruz vermella iha Timor -este xefe misaun CVTL João Martins Alves hateten, Reprezentante CVTL internasional iha Timor-leste prontu apoiu servisu kruz vermella Timor-leste nian iha kualkuer tempu ligadu ho servisu sira tantu formasaun, tanba CVTL internasional nia prezensa laos foin mak mosu, maibe antes timor-leste hetan ninia indepensia CVTL mos existe tiha ona hodi hala’o nia servisu, liu-liu apoiu humanitária ba ema vulnerável no mos ema afetadu ba vítima oioin.
Tamba ne’e liu husi prezensa kruz vermella nia servisu hanesan papél nebe importante tebes neve mak konsagra tiha ona iha sira nia misaun hodi sai organizasaun humanitária hodi fo apoio ba sidadudaun sira nebe mak presija no mos halo auxíliariu ba estadu liu husi servisu sira.
“Ami prontu apoiu ba CVTL kualkuer tempu deit nu’udar cruz vermelha internasional iha Timor- leste, tanba ne’e prezensa CVTL internasional iha Timor-leste ne’e laos buat foun, maibe existe tinan barak ona, entaun apoiu nebe mak ami halo ba CVTL ilha Timor-leste Mak CVTL ninia papé nee importante tebes hanesan organizasaun humanitária nebe mak úniku tebes auxiliariu ba ita nia governu Timor-leste hodi apoiu ba Sira nebe mak presiza” dehan Reprezentante CVTL internasional iha Timor-leste xefe misaun CVTL João Martins Alves ba jornalista Sira iha salaun enkontru CVTL formosa Díli quarta-feira ne’e, 08/05/2024
Tuir prezidente kruz vermella Timor-leste (CVTL), Madalena Boavida Hanjam akresenta,liu husi selebrasaun loron mundiál iha tinan nee aktividade importantes nebe mak sira hala’o mak halo doasaun ran ba ema sira ne’ebe mak identifikadu ona ho kondisaun forte no saudavél.
Ran sira ne’ebe mak sira doasaun nee sei apoiu fila fali ba hospital nasional Guido valadares (HNGV) no mos ba munispiu sira hodi responde ba sidadaun sira ne’ebe mak presiza.
” Liu husi komemorasaun loron importante ida nee mak ita selebra aktividades primeiru ida ne’ebe Mak itá hala’o mak halo doasaun ran no doasaun ran nee kruz vermella husu atu halo movimentu ba ema ema ne’ebe mak forte no saudavél atu bele fo doasaun ran atu bele intrega ba hospitál nasionál iha díli no mos iha munisípiu Sira,”dehan prezidente CVTL
Movimento Kruz vermella no kresente vermellu kada tinan suporta ema Rihun ba rihun iha mundu iha tempu konflitu , dezastre naturais no krize, bazeia ba aksaun humanitária durante tinan atus ida Lima nulu (150) Liu ba movimentu internasional kruz vermella no kresente vermellu komprometidu atu fornese servisu umanitáriu relevante ho tempu ba komunidade vulneravél iha ohin Loron no iha futuru.
Reportajem: Abrão da Costa, Honório Guterres
