Friday, May 24, 2024
HomeNEWSJICA Apoiu Materia  Desportu No Edukasaun Fizika Ba Estudante  Timor Oan Sira

JICA Apoiu Materia  Desportu No Edukasaun Fizika Ba Estudante  Timor Oan Sira

Díli 08/05/2024/ (LABEH)- Japaun Internasional Cooperation Agency (JICA-sigla Ingles), fo apoiu materia edukasaun fizika no desportu ba estudante Timor-Leste (TL), laiha Fronteira, tanba husi relasaun bilateral  entre nasaun rua hakarak dezenvolve ba estadu Timor-Leste.

“Ami agradese tebes hanorin estudante sira iha Timor-Leste,  liuliu iha eskola Sakrojes, UNTL, no eskola iha teritoriu laran tomak, liuliu konaba edukasaun fizika ”’no desportu, hanesan basketball, Sorinji Kempo, no atividade sira seluk liga ho desportu nian, hanorin estudante sira oinsa bele hatene teknika no tatika husi desportu sira nee, futuru estudante sira bele aplika iha Timor-Leste ho diak,”Informasaun ne’e relata  husi membru JICA area Edukasaun Fizika iha Fakuldade Arte no Humanidade iha UNTL, Yumi Akaike hafoin halo aprejentasaun relatoriu badak durante nia hanorin estudante sira iha eskola Universidade Nasional Timor Lorosa’e (UNTL) iha Timor Plaza Suai Room Dili, Kuarta-feira,08/05/2024

Tuir Physical Education at UNTL, Faculity of education Art & Humanities, Yumi Akaike hatete, lisaun ida ba edukasaun fizika no desportu ne’e importante ba Timor-oan sira, liu-liu  estudante foin sae sira, atu aprende desportu sira, nunee futuru  bele dezenvolve no kontribui diak iha Timor-Leste.

Durante hanorin estudante sira iha eskola, liu-liu UNTL, estudante barak mak gosta materia desportu, entaun bele halo analizasaun ida katak, sidadaun Timor-oan liu-liu Juventude sira barak mak hakarak asesu masimu iha lisaun edukasaun desportu nian.

Trenu hirak ne’ebe hamutuk ho estudante sira, JICA sempre hanorin maneira oinsa bele joga, hanesan basketball, silat Sorinji Kempo, maneira oinsa sira bele hatene, bainhira iha kompetisaun ruma, sira bele dezenvolve-an ho diak, oinsa profisionaliza ba materia desportu ne’ebe sira hakarak,

“Ha’u orgulu hanorin materia ezersisiu liu-liu desportu ba estudante sira,  liu-liu iha eskola primaria to’o Sekundaria no Universidade sira iha Timor-Leste, atu sira bele aprende no mentaliza nia hanoin ne’ebe diak iha lisaun desportu sira, no fiar katak sira sei aprende diak, nune’e iha futuru bele kontribui fali ba jerasaun foun Timor-oan sira seluk hodi kontinu dezenvolve desportu iha rai laran.” Nia afirma.

Entertantu Physical Education at UNTL, Faculity of education Art & Humanities, Asuka Yamamoto afirma, mateira  edukasaun fizika no desportu, ne’ebe hanorin iha eskola sakrojes, ne’e diak tebes ba estudnate sira atu aprende, oinsa bele hatene diak liu tan area desportu, nune’e futuru bele iha komitmentu forsa hodi dezenvolve diak  liu tan iha Timor-Leste.

Alende ne’e Estudante barak mak hakarak aprende materia edukasaun fizika no desportu, tanba ne’e JICA prontu apoiu sira no hanorin sira, konaba desportu, liu-liu basketball, Sorinji Kempo, no atividade sira seluk la iha fronteira, tanba relasaun entre Timor-Leste ho Japaun diak mai ho objetivu hamutuk harii dezenvolvimentu diak.

Prosesu hanorin materia edukasaun no desportu ba estudante Timor-oan, hodi aprende hanesan, basketball, volleyball, football, no Sorinji Kempo, tanba JICA hakarak atu hanorin Timor-oan sira, sai ema ne’ebe iha talentu bo’ot, no mehi aas iha area desportu nian, nune’e futuru Timor-oan bele dezenvolve diak liu tan area desportu.

“Ita haree desportu governu TL seidauk dezenvolve  ho diak,  nunee JICA hakarak hamutuk ho governu, hodi kontinu dezenvolve materia edukasaun fizika no desportu, hodi hanorin ba labarik sira, no ema joven produtivu sira, atu bele hatene teknika no tatika desportu nian ho diak, atu bele dezenvolve diak liu tan area desportu iha Timor-Leste”. Nia sublina.

Iha fatin hanesan, Xefe reprezentante JICA, Ito Mimpei informa ba servidor JICA nian iha Timor-Leste, husu atu kria konesimentu ruma ne’ebe bele dezenvolve iha Timor-Leste, liu-liu orienta joven foin sae sira, atu bele banati tuir , hanesan desportu iha rai laran,

Tenke hamutuk nafatin ho Timor-oan sira, ho vontade ne’ebe diak nafatin ba sira, atu hanorin konesimentu sira ne’ebe Japaun iha, hodi hatudu katak governu Japaun ho Timor-Leste  nia objetivu ba dezenvolvimentu sai efetivu liu tan.

Tanba prosesu hirak ne’ebe, hanesan servidor  no reprezentante JICA, hodi fo hanorin ba estudante Timor-oan sira, atu bele mentaliza sira nia kapasidade iha area edukasaun fizika no desportu, atu sira rasik bele dezenvolve diak liu tan, no bele hatudu katak Timor-oan barak mak iha inisiativu hodi moris iha edukasaun no desportu nian.

“Hau husu ba imi, hanesan peskijador sira, liu-liu JICA  nian iha nasaun Timor-Leste, labele dehan kole atu apoiu nafatin ba Timor-oan sira, liu-liu desportu nian, tanba ita nia kooperasaun no relasaun bilateral entre estadu rua nian, laiha rohan, atu ajuda malu hodi dezenvolve  saida mak Timor-Leste no Japaun hakarak, nune’e husi meiu sira ne’ebe imi hanorin ba estudante Timor-oan sira, fiar katak sei hatudu mos dezenplaridade diak iha rai laran.” Nia rekomenda.

Reportajen : Adão da Costa

RELATED ARTICLES

Most Popular

Recent Comments