Díli-13/08/2023 (LABEH)- Asuntu ne’e hato’o husi vice director sentru saude ainaro vila, Idelfonso Da Costa, iha nia kna’ar fatin sentru saude ainaro vila ,ba radio LABE,H iha sabado foin lalais ne’e.
Tuir vice diretor sentru saúde Ainaro Vila, Ildefonso Da Costa, hateten sentru saude kompostu husi suku hitu(7) hanesan, ainaru ,cassa,manutasi ,mau-nuno,mau-ulo,soro,soro kraik, maibe menus rekursu umanu infrastutura no fasilidade médiku.
“Iha sentru saude kompostu husi suku hitu,iha suku hitu ne’e iha hotu fasilidade saude no rekursu umano mos koloka kada suku ne’e hotu, maibe ladun sufisiente liu-liu ba mediku sira, kona -ba atendimentu, ita bele dehan iha area remotas sira sei preukupa ba atendimentu tamba limitadu oituan kona ba rekursu umanu sira ne’ebe kolokadu iha postu saude sira. Nune preokupa mos infrastrutura ,tanba iha area remotas sira balun ponte aat no estrada mos aat no bainhira udan ,mota tun komunidade sira difisil atu halo tratamentu,” nia hateten.
Vice diretor afirma, sentru saude ne’e rasik mos difikulta ba moru protesaun ne’ebe haleu iha sentru refere , tanba aat la dun fo seguru ona, nune’e husu ba parte relevante presiza hadia fila fali ba moru refere no toma atensaun mos ba difildade nebe pesoal saude sira hasoru iha sentru saude refre.
“Iha sentru saude vila rasik mos infreta hela ba moru ne’ebe haleu mos ladun diak liu-liu ba parte kotuk a at hotu iha ne’e bele prisiza rehabilita duni, atu nune’e ita bele asegura duni, tamba moru la iha entaun siguransa servisu iha ne’e mos la dun diak, tamba dalaruma iha ne’e internamentu deit tamba ne’e presiza moru haleu tamba vizitante sira barak no wainhira moru iha ona ita bele limita ona vizitante sira, tamba iha ne’e sentru internamentu entaun presiza mos seguransa partisipa maximu atu limita visitante sira ne’e ,tamba iha ne’e internamentu pasiente sira mos baixa iha ne’e dala ruma mos vizitante barak liu, ita atu limita vizitante mos la diak, tamba moru mos la iha depois ita taka portaun oin ne mos balun tama nafatin. Nune edifisiu ne’e mos at kuandu udan la iha ita senti hare diak , mabe udan ona bele tun husi plafon no ita hare kondisaun la diak,”nia afirma
Enkuantu tuir obsrvasaun jornalista radio LABEH iha fatin refere, observa katak , edifisu sentru saude ainaro vila, ho kondisaun ne’ebe la dun diak,tanba bainhira tempu udan, udan ben bele tama ba eskritoriu, nune’e difisil atu mediku sira halo tratamentu ka atendimentu ba pasiente sira,nune’e vise diretor sentru saude munisipiu ainaro, postu administrativu ainaro vila, husu parte relevante presiza halo reablitasaun ba edifisiu refere.
Reportajen: Eufrasia Da Costa, Manuela Moniz
