Díli-15/08/2023 (LABEH) – ba jornalista radio labeh, ohin iha lecidere negosiante, Cornelio Soares, haktuir maski ho idade ne’ebe avansadu ona, maibe tenki hakaˈas an servisu, liu husi halaˈo atividade negosiu hanesan faˈan nú, atu hetan osan, nune’e suporta oan sira ba eskola no nesesidade lor-loron nian.
Tuir negosiante Cornelio Soares, hateten, maski ho idade ne’ebe avansadu ona, maibe tenki haka’as an servisu, atu nuneˈe hodi suporta oan sira ba eskola no hatan ba nesesidade loron-loron nian, no rendimentu naton ne’ebe hetan, depende deit ba konsumidorr sira.
“Maski ho idade ne’ebe avansadu ona, maibe hau tenki hakaˈas an servisu, se la servisu oinsa ho ita nia oan sira atu ba eskola no labarik sira mai husi foho hela iha kost lori saida mak atu selu , tan ne’e hau tenki obriga an hodi servisu para buka osan fo ba labarik sira no mos ba nesesidade loron-loron nian, nú ne’ebe hau faan tergantung deit ba ema ne’ebe hola, diak ida hola to’o dua puluh no tun liu mak sepulu dolar ou lima belas dolar hanesan ne’e, la liu ida ne’e, osan ne’ebe hetan husi rezultadu fa’an nú, hodi selu oan sira nia eskola,kost no mos nesesidade lor-loron nian,”negosiante Cornelio, hateten wainhira hala’o hela negosiu fa’an nú,”
Aliende ne’e cornelio mos husu ba nuno governu, bele kria kampu de trabalho barak atu nune’e ema sira ne’ebe abandona hela bele servisu hodi buka osan hodi sustenta moris, se laiha kampu de trabalho nasaun sei hakdasak nafatin tamba ema barak mak laiha servisu.
“Haˈu so husu deit ba nuno governu agora, bele karik kria mos kampu de trabalho bar-barak para ema servisu,ema servisu mak foin iha osan se nune’e nafatin osan tama husi ne’ebe, se laiha kampu de trabalho nasaun sei hakdasak nafatin hanesan ne’e, tamba servisu laiha no loke servisu ba ema hotu-hotu labele eskolla deit ema balu, maibe tenki loke ba públiku, atu nune’e povo tomak bele servisu,” nia hakotu
Entretantu negosiante Cornelio Soares ho idade 50 resin, husi munisipio viqueque mai hala’o negosiu iha kapitál nasaun tan deit oan sira nia futuro no nesesidade lor-loron nian.
REPORTAJEN: MARCIANA SOARES
