Díli- 17/08/2023 (LABEH)- Relasiona ho selebrasaun ejisténsia NGO Lalenok Ba Ema Hotu (LABEH ) nian ba dala ruanulu, ne’ebe sei monu iha sexta -feira, loron 25 fulan agustu tinan ne’e, nune’e diretor ezekutivu Lalenok Ba Ema Hotu, Christopher Henry Samson, kongratula ka hato’o parabens ba ema hotu-hotu ne’ebe fo apoiu direta no indireta ba labeh, hahú inisiu to’o ohin loron atu selebra nia ejistensia ba dala ruanulu, tanba ema hotu nia korajen no kritika sira, mak lori LABEH sai diak liu tan husi agora no futuru mai. Lia hirak ne’e hato’o husi diretor ezekutivu LABEH , Christopher Henry Samson, bainhira jornalista radio labeh hala’o entrevista liga ho aniversariu LABEH nian.
“ Ha’u fo Parabens, parabens, I parabens, ba ema hotu ne’ebe fo kontibuisaun ba Lalenok ba ema hotu nia ejiste, parabens ba staff hotu-hotu, sira ne’ebe servisu ona iha fatin seluk, no sira ne’ebe dadaun n’e hala’o hela servisu iha LABEH, no sira ne’ebe atu mai, ita boot sira mak sai instrumentu LABEH, parabens mos ba iota boot sira nia familia hotu, parabens mos ba ha’u rasik ho hau nia kaben, oan no familia sira hotu nia kontibuisaun , liu husi apoiu ideia kritika sira, nune’e LABEH nia ejistensia to’o ohin loron. Liu husi departamentu sira ne’ebe LABEH iha, kontinua hala’o kna’ar tuir ida-idak area, nune’e bele rekola , monitorin hodi fo sai ba públiku no mos ba parte konpetente sira kona ba saida mak povu hasoru iha area rural, nune’e bele tau matan ba sira ho diak, hodi sira mos bele sente duni dezenvolvimentu nasaun ne’e nian,” diretor ezekutivu LABEH , Christopher Henry Samson, hato’o lia hira ne’e, bainhira jornalista radio labeh hala’o entrevista liga ho aniversariu LABEH nian.
Enkuantu moto, ba selebrasaun aniversariu ejistensia Lalenok Ba Ema Hotu(LABEH) nian, ba tina ida ne’e mak, LABEH Nia Kontribuisaun Ba Estadu Iha Dezenvolvimentu Nasionál.
Reportajen: Ekipa Radio LABEH
