Díli -31/08/2023 (LABEH )-Minitériu Da Agrikultura Pekúaria,Peska No Florestas, hala’o serimonia entrega dokumentus hanesan pasaporte no bileti viajen nian ba estudante etapa hitu, hodi desloka ba arab- israel,ne’ebe ohin realiza iha salaun MAPPF comoro dili .
Tuir ministru agrigultura pekuaria, peska no florestas, Marcos Da Cruz, hateten, iha eventu ida ne’e atu desloka estudante lima nolu ba periodu ida ne’e, atu sira ba israel hodi aprende no estuda kona ba teoria no prátika iha formasaun ida bolu (AICAT ) iha israel.
“Iha eventu ida ne’e atu desloka estudante lima nolu haruka ba periodu ida ne’e, sira atu ba israel hodi aprende no estuda kona ba teoria no mos iha prátika iha formasaun ida bolu (AICAT) iha israel. Sira ba hela iha ne’eba durante fulan sanulu resin ida, ema nain lima nolu no programa ida ne’e laos foin hahú, maibe komesa kedas iha quintu (v)governo iha 2015 nian, tamba iha momentu ne’eba embaixadora israel mai, ita koalia komesa kedas iha tempo ne’eba no to’o iha 2022, ita iha ona graduantes hamutuk 397, ne’e duni sei aumenta tan 50 pesoas,wainhira sira fila mai iha tinan oin, ita bele iha ona 447 pesoas,wainhira sira mai ita sei buka apoiu sira atu desenvolve sektor agrikultor liu-liu aplika matenek ne’ebe sira hetan iha israel, tamba ita hatene israel ne’e nasaun ida ne’ebe kiik no nasaun ne’ebe desertu, maibe sira fila rai desertu ne’e sai ba rai ne’ebe produtivu no rai ne’ebe produs barak, ne’e duni agora sira sai exportador ba produtu agrikola, ne’e duni ita haruka ita nia joven sira ba aprende hodi mai aplika fali iha ita nia rai, tamba ne’e mak ohin ita hasoru malu fali iha ne’e atu haruka tan sira nain liama nolu,” Ministru Agriultura Pekuaria, Peska No Florestas, Marcos Da Cruz, ba jornalista sira iha salaun MAPPF
Alende ne’e mos Ministru AgriKultura Pekúaria ,Peska No Florestas, hakle’an, programa boot ida ne’ebe agro floresta dehan kuda ai-hun boot no ai ne’ebek bele produs tinan –tinan ne’e programa ida ne’ebe uluk kedas to’o agora sei kontinua atu dezenvolve.
“Floresta, programa boot ida ne’ebe agro floresta dehan kuda ai-hun boot no ai ne’ebek bele produs tinan –tinan ne’e programa ida ne’ebe uluk kedas ita sei kontinua atu dezenvolve ida ne’e, mais kona -ba aicat ne’ebe halo dadaun iha ne’eba, ita sei hare karik exemplo diak ruma no balu ne’ebe diak iha ne’eba ita reforsa no buat balun ne’ebe la diak ita buka hadia, no ita temi rai ida iha rai -tahu ne’e rai ne’e povo ninian no povo fo ona ou karik estadu nian ita hare tok,ohin hau dehan mos ba sira hau koalia ona ba sira, katak ida ne’ebe hetan ona formasaun ne’e laos sira hamutuk deit iha fatin ida, maibe matenek ne’ebe sira hetan husi fatin ne’eba ne’e sira fila ba sira nia rai , sira mai husi inan aman familia sira fila ba hodi dezenvolve sira nia rai,sira ida deit ou nain rua tolu organiza nia familia iha koperativa, depois mak ita ba hare se ita presiza apoiu, apoiu duni atu dudu ita nia setor ida ne’e ba duni, tamba ita presiza joven no ita prsiza joven ne’ebe matenek iha area ne’e tamba ne’e mak ita haruka sira ba aprende tamba, ne’e mak ita apoiu ona para hodi produz buat ruma tuir matenek ne’ebe sira hetan ona,” nia haktuir
Enkuantu Ministru Agrukultura Pekúaria, Peska No Florestas (MAPPF), estabelese kooperasaun ho enbaixada israel iha singapura hahú husi tinan 2015, to’o ohin loron kontinua fo oportunidade ba joven timoroan atu partisipa iha agrikultura avansada ne’ebe kada tinan fo oportunidade ba Ministeriu Agrikultura , Pekuaria , Peska No Florestas nian,hodi organiza no prosesa no seleksaun gdaduadus husi instituisaun ensinu téknika vokasionál no instituisaun universitária iha fakuldade agrikultura.
Entretantu iha serimonia ne’e hetan partisapa husi ministru MAPPF,director nasional DNFTA, estudante no inan aman sira.
Reportajen: Marciana Soares No Manuela Moníz
