Díli-06/09/2023 (LABEH) – Ba jornalista radio labeh negosiante, Mariana Ximenes, fo agradese ba nuno governo tamba fo ona oportunidade ba sira hodi kontinua hala’o ,sira nia negosiu iha refere, lia hirak ne’e hato’o husi negosiante mariana ohin iha largo lecidere, wainhira hala’o hela negosiu faˈan sigaru,dosi,bee no seluk tan.
Iha entrevista negosiante, Mariana Ximenes, hateten, agradese ba nuno governo tamba fo ona oportunidade hodi hala’o nafatin negosio hanesan bai-bain iha largo, atu nune’e buka netik osan lori sustenta nesesidade lor-loron nian.
“Hau nia negosiu durante ne’e la’o ho diak husu agradese ba nai ulun sira ne’ebe bele fo ona oportunidade mai ami hodi faˈan sasan iha fatin refere, hodi hetan netik osan rahun balu nune sustenta ami nia moris, se aban bain rua nai ulun sira sei hanoin ami ,ami muda ba fatin diak ruma hanesan largo ne’e ami prontu muda,karik nai ulun sira fo hanoin mai ami, hodi halo uma diak mai ami iha fatin refere ami bele selu fulan-fulan,”nia hateten.
Enkuantu nia , dehan, sigaru,dosi,bee inklui sasan seluk ne’ebe mak faˈan,dala ruma lahetan rendimentu diak,tamba negosiante barak mak faˈan sasan hanesan, no osan ne’ebe hetan husi rezultadu negosiu hodi suporta familia no nesesidade loron-loron nian.
“Ema barak faˈan sasan hanesan, tan ne’e husi dader to’o kalan hau hetan dua puluh no lima belas, nune’e ita agradese mos ba maromak, tamba bele halo ita hetan ona osan satu dolar ou dua dola, no sosan nain ne’e husi estudante sira mak hodi hola, hanesan sigaru beˈe, etu, ida ne’e mak hetan netik osan husi sira hodi hare fali familia uma laran,” nia dehan.
Entretantu negosiante mariana ximenes husik hela nia rain moris fatin munisipiu baucau, tan deit hakarak hadiak ekonomia familia inlui nesesidade loron-loron nian.
Reportajen: Marciana soares
