Díli- 27/09/2023 (LABEH) – kuarta-feira ne’e, iha salaun Centru Nasional Chega, Sekretáriu Estadu Arte No Kultura (SEAK) la’o atividade promove bibleoteka ba estudante sira atu loke fuan no neon ba matenek liu husi diskursu públiku entre estudante sira ho tema “Papel Foin Sae Iha Mundu Literasia Iha Timor-Leste.
Tuir Diretor Jeral Arte No Kultura, Manuel Smith, hateten hare ba aktividade anuál SEAK nian, konsentra iha Diresaun Nasional Bibloteka Lizeu, ne’e sempre halo tinan –tinan,tamba diresaun refere koalia liu kona ba papel joventude hodi promove bibloteka
“Hare ba aktividade ida ne’e hanesan aktividade anual SEAK nian ne’ebe konsentra iha diresaun nasional bibloteka lizeu , aktividade ne’e sempre halo tinan-tinan tamba diresaun refere koalia liu kona ba papel joventude nian ne’ebe barak liu kona ba promove bibloteka hakarak ka lakohi governu liu husi Sekretária Estadu Arti No Kultura, atu nafatin promove iha kultura liliu joventude sira, liu husi promove kultura atu reduz ita husi asaun seluk ne’ebe fo impaktu ba dezemvolvimentu nasionál” Sekretáriu Estadu Arte No Kultura, Jorge Soares Cristovão, hateten
Iha fatin hanesan fatin hanesan Diretor Nasional Bibloteka, João Fátima Da Cruz, haktuir, aktividade ne’e anual hahu halo iha kapital dili no sei hala’o fali avalisaun ba tinan oin, no laos monu deit iha dili, maibe sei habelar ba munisipiu sira
” Orsamentu ida ne’ebe halo ba diresaun tinan ida ne’e hahú iha kapitál díli deit depois sei halo fali avalia ba tinan oin nian, la’os sei akontese deit iha dili, maibe sei habelar ba munisipiu sira no aktividade dahuluk ne’e sei halo deit iha dili,tuir lolos ne’e eskola sekundariu públiku no vokasionál hamutuk 18 instituisaun no estudante 38 pesoas halo kompetisaun kultura, maibe tamba teknikamente ne’ebe akontese iha segunda foin lalais ne’e entaun marka preseza eskola ualu (8) no estudante 16 deit mak marka preseza” dehan diretor nasional biblioteka
Iha aktividade kompetisaun ba diskursu públiku ne’e, hetan partisipa husi, Diretor Nasionál Bibloteka, Diretor Jerál Arte No Kultura, Tim Juri ,estudantes no konvidadus sira
Reportajen: Marcia soares
