Díli- 16-10-2023 (LABEH)- Segunda-Feira , horseik iha Kanpung Baru , Comoro díli, Negosiante ambulante, Joana Maria Guterres hateten, menus kompradores atu hola sira nia sasan ka produtu ne’ebé fa’an iha dalan ninin no produsaun rai laran mós tama menus ona
“Sasan sira ne’ebe ami faan mak batar, fore,fos rai ne’e mak ami faan dader to’o kalan ami hetan deit 10 dolar ou 20 dolar deit tamba ema ladun hola ami nia produtu no ita nia produtu lokal mos mai menus liu,”Negosiante ambulante, Joana Maria Guterres Ba jornalista LABEH hateten,
Joana akresenta tan, produtu sira ne’e,hola tutan iha merkadu taibesi no ema seluk lori mai mak sira hola no fa’an tutan ba konsumidor sira
“Sasan sira ne’e ami ba hola iha merkadu taibesi ou dala ruma ema mai fa’an fali iha ne’e, mak ami hola tutan fa’an fali ba ema seluk hodi hola,osan ne’e ami selu ba labarik sira nia eskola no hola hahan ba ami nia nesesidade uma laran,”negosiante ne’e salienta
Iha fatin hanesan Sidadaun estranjeiru Sineza,SAM, hateten, kuda modo iha LOES hodi fa’an ba negosiante abunlante sira iha Kapital Díli no sira fa’an tutan ba konsumidor sira iha rai-laran
“Modo sira ne’e ami mak kuda mai faan fali ami nia kolega negosiante Timor oan sira holan no faan tutan fali,” Sidadaun estranjeiru Sineza,ne’e dehan
Representante Negosiante ne’e mos husu governu atu loke merkadu ida iha kampu-baru,nune’e sira bele fa’an produtu lokál hanesan batar, fore, fos rai, koto, tomante, modo no seluk tan ,
Reportajen: Ekipa kobertura
