Bobonaro-15/11/2023 (LABEH)- Governu Timor-Leste liu husi Sekretáriu Estadu Arte no Kultura (SEAK) no Centro Nasionál Chega (CNC) hala’o inagurasaun ba monumentu liberdade iha ambitu Festival Kultural ho tema “Interkanbiu Kulturál Ba Hametin Rekonsiliasaun” iha postu -administrativu Balibo Munisipiu Bobonaro
Administrador Kabupaten Belu NTT- Indonesia, Agostinho Taolin, Hateten festival Fronteira 2023 ho tema interkanbiu kultural ba hametin rekonsiliasaun, nune’e seremoñia ne’e hodi hametin relasaun timor oan husi Timor-Leste no sidadaun sira iha fronteira.
“Ohin ita mai atu tuir serimoñia festival kultural 2023 interkanbiu kultural ba hametin relasaun,nune’e seremoñia ne’e hodi ita hasoru malu no fo neon ba malu hodi hametin relasaun entre rai rua ne’e. Nune’e ohin administrador hatete ona katak ita ne’e husar ida inan ida, neon ida laran ida nune’e ita ne’e mesak ida deit” hatete Administrador kapupaten Belu, Agostinho Taolin
Iha fatin hanesan Sekretáriu Estadu Arte no Kultura (SEAK), Jorge Soares Critovão, hateten komunikasaun ne’ebe halo, parte governasaun Indonesia Ho Timor-Leste liu husi kabupaten Belu afirma katak husi referénsia ida ne’e ba tinan oin sira mos atu kria atividade ida hanesan, atu ametin liu tan relasaun entre povo iha area fronteira.
“Atividade ida ne’e ita halo ohin loron ita simu sira ho lisan kultura ita nian ne’ebe mak liu ona, ida ne’e hanesan festival primeiru ida ne’ebe ita organiza partisipasaun delegasaun husi indonesia NTT por volta 300 pessoas mak hamutuk ho ita iha eventu festival ida ne’e” dehan Sekretáriu Estadu Arte no Kultura Jorge Soares Cristovão
Serimonia ne’e hetan partisipasaun husi membru governu indonesia, Membru governu timor-leste, konvidadus inklui komunidade no media sira.
Reportajen: Eufrásia Da Costa
