Díli-20/12/2023(LABEH)-Organizasaun Nao Governamental Luta Hamutuk ho (SASCAS) sigla português, Servisu de apoiu a Sociedade Civil e Auditoria Social, Hala’o Abertura ba Semináriu nasionál ho “tema Transparasia akuntabilidade, no partisipasaun máximu sidadaun sira iha prosesu Dezenvolvimento infraestrutura estrada husi imprestimu sai prokupasaun publiku kona-ba Deskobrimentu auditória sosial ba estrada koridor Baukau no Viqueque”, seminariu ne’e realiza iha salaun Apuramentu Nasional CNE Díli,Kuarta feira, semana ne’e
Iha Diskursu Reprezentante SASCAS, Ivo Colimao Lay, hateten Organizasaun sosiedade sivil ne’ebe hala’o knaˈar diak ba dezenvolvimentu nasional, Governu nafatin iha komitmentu atu apoiu orsamentu ba sira nia atividade iha 2024
“ Organizasaun sosiedade sivil ne’ebe hala’o knaar diak tebes, nuneˈe pozisaun governu nia atu nafatin iha komitmentu atu apoiu organizasaun sosiedade sivil iha timor leste, Tinan ida nee governu apoiu liu husi orsamentu por volta 23 milhões ba Organizasaun sosiedade sivil nia atividade iha 2024,” dehan representante SASCAS
Fatin hanesan, Diretor Ezekutivu ONG Luta Hamutuk, Jose Alves Da Costa, afirma Dezenvolvimentu ida atu laˈo ho diak presiza ema hotu nia apoiu atu nune’e bele kria boa governasaun iha rai ida ne’e liu-liu ba iha setor infraestrutura nian
“Semináriu nasional ohin ho tema promove transparência, Akuntabilidade no partisipasaun maximu sidadaun sira iha prosesu dezenvolvimentu infraestrutura estrada husi imprestimu sai preokupasaun publiku, dezenvolvimentu Auditória Sosial ba estrda koridor Baucau no Viqueque no tema ida ne’e ita foti tanba Dezenvolvimentu ida atu lao ho diak presiza ema hotu nia apoui atu nune’e bele kria boa governasaun iha rai ida ne’e liu-liu ba iha setór infraestrutura nian, nune’e Transparasia no akontabilidade sai hanesan fator determinante ida, oinsa atu kria boa governasaun,” Diretor Ezekutivu ONG Luta Hamutuk, Jose Alves Da Costa, haktuir
Iha âmbitu semináriu, neˈe hetan partisipasaun husi representante ministro Obras públiku, reprezentante SASCAS, administrador postu venilale komunidade afetadu sira, estudante inklui sosiedade sivil sira.
Reportajem: Ekipa kobertura
