Tuesday, June 18, 2024
HomeNEWSCLN Promete Sosa Fos Kualidade Di'ak %100, Kombate MÁ-Nutrisaun

CLN Promete Sosa Fos Kualidade Di’ak %100, Kombate MÁ-Nutrisaun

Díli,27/02/2024(LABEH) – Diretor Sentru Logistika Nasionál (CLN-Sigla Portugés) Jacinto Paijo, hateten, CLN hatudu ona katak, tinan ida ne’e ita sosa fos kualidade ida di’ak liu, ne’ebé mak mai husi orsamentu Retifikativu (OR) 2023, i fos ne’e %100 kualidade di’ak hodi kombate Mal-nutrisaun iha rai laran

Diretor ne’e haktuir, agora fos ne’ebé mak tama ona ne’e iha karon la tau broken, ne’ebé fos ne’e%100 di’ak tuir espensaun ne’ebé mak sua exelensia Ministru komérsiu industria (MKI) ba simu iha portu, i sekretáriu estadu kooperativa emnome vise primeiro Ministru (V-PM) ba halo ona espensaun katak, fos ne’e di’ak duni i nia kualidade prenium.

“Ita sosa ho presu ne’ebé karun tanba, agora tempu ona ita fo han fos ne’ebé mak kualidade ba ita nia populasaun, tanba ne’e mak CLN hahú ona implementa enkontru sira ne’e ita koko ona, no iha tan ideas balu ita sei ko’alia tan mak, ba futuru hakarak ka lakohi mal-nutrisaun iha Timor-Leste ne’e nia númeru to’o %47,1”. Dehan Diretor CLN ba jornalista, hafoin partisipa worksop iha City8, Tersa-feira 27/02/2024

Aleinde ne’e mós diretor CLN akresenta, IX governu kontinua halo akordu ho nasaun Kambodia ne’ebé mak uluk VIII governu akordu ho sira, tanba ne’e ita sosa duni fos 4 mil tonelada, ne’ebé mak importa husi Kambodia, ho nia orsamentu hamutuk 3 milloes.

Fatin hanesan  Diretor Institutu Nasionál Saúde Publiku Timor-Leste (INSPTL)  Frederico Bosco hateten, esforsu ida hodi hatun Mal-nutrisaun ne’e hanesan esforsu holistiku, ne’e kroskaten isu, tanba ne’e mak relatoriu ne’e ita konsolida no harmoniza hosi linas Ministerial relevante sira, inklui parseiru dezenvolvimentu sira, sosiedade Sivíl, ho sira seluk tan, ne’ebé mak durante ne’e  atu hare hatun Mal-nutrisaun iha rai laran.

“Ha’u fiar katak, iha nasaun ida sempre atinge progresu, entaun ida ne’e ita la duvida ona, ne’ebé Timor-Leste sempre halo progresu pozitivu ba iha esforsu tomak ne’ebé mak ita halo,”dehan nia.

Nia haklean, informasaun sira ne’e tenki konsolida duni, no  presiza aprezenta duni, tanba hanesan nasaun ida ba sekretáriedu , para globalmente nasaun sira seluk mós hatene katak, Timor-Leste ninia progresu Intervensaun ba radikasaun mal-nutrisaun iha rai laran ne’e la’o to’o ona iha etapa ida ne’ebé.

“Iha tinan ida ne’e, ninia avaliasaun ita hare ba iha 2023 nian tenki submete ba ona iha sekretariadu sam regional nia iha dia 1 Marsu, tanba ne’e mak ohin loron konvida ita nia parseiru hotu-hotu, tantu husi governu, parseiru dezenvolvimentu sira, para atu bele tur hamutuk, konsolida, harmoniza relatoriu sira ne’e hodi bele aprezenta ba iha Sam”. Nia hakotu

Reportajem: Adão da Costa

RELATED ARTICLES

Most Popular

Recent Comments