Díli, 27/07/2023 (LABEH) – Assosiasaun komunidade progresu hala’o workshop ba pesoal saude kona ba “populasaun-xave no asesu saude” servisu hamutuk hodi asegura asesu ba saude no direitu seksual no reprodutivu populasaun xave sira iha timor – leste, iha ne’ebe kinta foin lalais ne’e hala’o iha salaun hak farol dili..
Iha diskursu ne’e director ezekutivu Assosiasaun Komunidade Progressu Brigal Ferreira hateten, objetivu prinsipál oinsa ema hotu-hotu liu-liu populasaun xave hanesan ema, mane ne’ebe mak halo relasaun seksual ho mane maibe ema ho identidade jeneru la hanesan,sira mane maibe feto no sira feto maibe sira mane.
“Objetivu prinsipál ne’e mak ema hutu- hotu nia populasaun xave mane ne’ebe halo relasaun seksual ho mane , ema ne’ebe mak ho nia indentidade jeneru ne’ebe mak lahanesan ho ita ,sira mane no mane maibe sira feto hanesan fali mane no mos ba kolega sira ne’ebe mak seksuavel fali sira oinsa mak sira ba fasilidade saude sira katak sira sente fatin ne’e seguru sira invariamente katak , sira ba ne’e senti katak fatin ne’e merese duni ba sira no atendimentu hotu ne’ebe mak saude sira hare mos ba populasaun gerál,”lia hirak ne’e hato’o husi director ezekutivu, Brigal Ferreira, iha salaun hak farol díli.
Direktor Ezekutivu hatutan, Humman Imminodeficiency (HIV ),laos hada’et husi orientasaun seksual maibe hada’et husi ema nia hahalok seksual ne’ebe la seguru no ema hotu-hotu iha mundu prátika seksual, tamba ne’e parte nesesidade ida ne’ebe ema moris presiza.
“Hiv laos hada’et husi orintasaun seksual maibe hiv hada’et husi ema nia hahalok seksual ne’ebe la seguru, ema hotu- hotu iha mundu ida ne’e pratika seksual tamba seksual ne’e necesidade ida ne’ebe ema moris nia presiza tamba ne’e maka hiv barak iha ne’eba, ida tan ita nia papel ikus mak oinsa ema bele uza kondom,iha balun pesoal saude hateten ita labele koalia sai kondom iha fatin públiku sira, tamba ita tauk ami nia oan sira ba eskola tau kondom, iha sira nia pasta laran laos importante taun kondom nia pasta laran improtante nia koinese kondom ne’e,wainhira nia rona informasaun kona ba kondom nia sei bele tulun ba ema sira ne’ebe prisiza duni kondom ne’eba laos haruka labarik sira ba eskola, sira tau kondom iha ne’eba” nia hakotu.
Entertantu iha worksop ne’e hetan partisipasaun maximu husi ministeriu saude, ekipa centro saude iha munisipiu díli, chefe interior programa hivaids Timor-Leste,direktor ezekutivo Assosiasaun Komunidade Progresu inklui estutande universitáriu ics .
Reportajen: ELLA MONIZ , MARCHYA SOARES
