Díli 02/08/2023 (LABEH ) – negosiante Anafloriana Morreira husu ba governo wainhira atu muda negosiante sira ba fatin seluk, governo tenki kria uluk lai fatin diak ba sira , molok negosiante sira muda, lia hirak ne’e hato’o husi negosiante Anafloriana ba jornalista radio labeh kuarta-feira , iha largo lecidere wainhira hala’o hela negosio fa’an sasan.
Negosiante Anafloriana Morreira , husu ba governu , katak, bainhira atu muda sira husi fatin refere, tenki kria uluk fatin diak ba negosiante sira, atu nune’e bele hala’o negosio hanesan babain, hodi netik osan atu sustenta ba nesesidade loron –loran nian.
“Governo hasai ami husi fatin ne’e , karik muda ami ba fatin ne’ebe fo mai ami hela, ami hakrak husu ba governo sira, ami laos kiak no ami laiha liu lae, maibe ami mai iha ne’e atu buka osan hodi suporta ami nia presiza ba nesesidade lor-loron nian,” nia hatete.
Nia hatutan, wainhira sira sai husi fatin refere , sente triste tebes, tamba sira atu ba hala’o fali negosiu iha nebe, tan ne’e nafatin husu ba governu tau matan ba sira .
“Ami triste, tamba ami sai husi fatin ne’e ami sente triste barak, tamba fatin ne’e ami la faan ona ami atu faan iha ne’ebe ami husu ba governo bele hasai ami husi fatin ne’e maibe tenki fo fatin diak no seguru mai ami hodi hala’o fali ami nia negosiu hanesan babain nian,” nia relata.
Entretantu negosiante sira nafatin husu ba governo kria fatin dignu ba sira, atu nune’e sira bele fa’an sasan hanesan , dosi , akua no seluk tan hodi bele hetan osan ,nune’e sustenta nesesidade familia ba loron –loron nian.
Alende ne’e to’o notisia ne’e fo sai, jornalista radio Labeh ladauk halo konfirmasaun ho parte autoridade munisipál díli nian relasiona ho asuntu refere.
REPORTAJEN: MARCHYA SOARES
