DÍli – 08/08/2023 (LABEH) – Governu Timor-leste liu husi Vise Primeiru No Ministru Kordenador Asuntu Ekonomia Dezenvolviemntu no Ministru Turismu halao sorutu ho governu Malásia através embaixador malásia hodi koalia koperasaun servisu hamutuk liu-liu iha setór turizmu, no kooperasaun ida ne’e liu-liu foku ba preparasaun tl nian adezaun ba asean, iha area kapasitasaun rekursu umanu nune mos area investimentu , iha ne’ebe ohin hala’o iha salaun ministeriu turizmu faról .
Iha intervista, vise primeiru ministru no ministru kordenador asuntu ekonomia dezenvolvimentu no ministru turismu, Frsnsisco Kalbuadi Lay, hateten, iha sorumutu ne ‘e hodi koalia kona -ba koperasaun liu-liu preparasaun tl nia adere ba asean no aréa kapasitasaun rekursu umanu nune’e mos aréa investimentu nian.
“Ohin ami hasoru malu hodi kolia sobre koperasaun, liu-liu preparasaun ba asean no area kapasitasaun rekursu umanu, nune’e mos area investimentu , neste momentu iha emprezáriu lubuk ida malásia nia iha timor- leste no malasia mos ajuda ita barak, desde timor leste ukun rasik an, hahú husi 2002 to’o agora . Malasia liu husi governu malasia ho mos emprezáriu sira ne’ebe mak iha vontade tebe – tebes atu mai kontribui , liliu iha area ekonómiku ,turízmu, ambiente,” asuntu ne’e hatete husi vise primeiru ministru no ministru kordenador asuntu ekonomia no ministru turismu, Frsnsisco Kalbuadi Lay, tersa-feira ohin iha faról dili.
Iha fatin hanesan embaixador malásia iha timor – leste , Amarjit Sarjit Singh, relata hasoru malu ho vise primeiru ministru no ministru kordenador asuntu ekonomia dezenvolveimentu, hodi diskuti kona ba kopersaun servisu hamutuk, hodi aumenta kapasidade funsionáriu no foka liu ba sira ne’ebe servisu iha setór turismu nian.
“ Ami deskuti kona ba maneira ne’ebe mak diak oinsa, ita bele hare investimentu sira liu-liu ba malásia nia ne’ebe, tama mai timor leste. Ha’u mos fo ona komitmentu ba vice primeiru ministru katak malasia nafatin fo apoiu ba dezenvolvimentu ekonomiku timor leste nian, no mos partilla ideia –ideia ne’ebe bele utiliza no adapta iha timor leste,”Nia relata.
Enkuantu iha sorumutuk ne’e hetan , partisipa husi , vise primeiru ministru no ministru kordenador asuntu ekonomia dezenvolvimentu no ministru turismu ho ekipa no embaixador malásia iha tl.
Reportajen: Eufrasia da costa
