Díli-10/08/2023 (LABEH)-Irene Vital husi munisipiu Baucau, postu administrativu Kelikai, nebe’e dadaun ne’e hela iha díli, hala’o nia estudu iha UNTL fakuldade edukasaun departamentu biologia, no remata ona nia estudu iha tinan 2019, maibe kontinua buka esperensia liu husi atividade non extrakurikular hanesan tuir formasaun iha sentru IE iha area administrasaun, no remata teoria fulan tolu, kontinua ba estajiu , nune’e ikus mai hetan oportunidade iha fatin ne’ebe nia estajiu ba , hodi fo despaixu aloka nia ba fali instituisaun estadu hodi sai voluntaria , no dadaun nia iha ona prosesu ba kontratadu nian.
Tuir Erene, katak idade la sai sasukat ba ema atu aprende , maibe importante maka iha vontade hakarak aprende hodi ganna esperensia kle’an liu tan iha esforsu ne’e. Tanba ne’e nia husu ba joven feto no mane, katak lalika gasta tempu ba buat ne’ebe la fo valor, maibe gasta tempu ba buat ne’ebe fo pozitivu va ema ida-idak nia moris, liu-liu ba joven sira, tanba joven ba futuru nasaun ne’e nian, entaun hahú agora esforsu hodi luta ba susesu.
“ Atu fo mensajen deit ba joven sira katak, ita mak futuru ba nasaun ne’e nian, hahú agora esforsu hodi hakle’’an ita nia konnesimentu no esperensia sira ne’ebe mak iha, liu husi sentru formasaun no movimentu sira. Nune’e mos hadook an husi konflitu hodi partisipa iha prosesu dezenvolvimentu nasional’”. Nia dehan ba rádio labeh , bainhira priense programa labeh iha siensia, kinta-feira ohin, iha kanpung baru comoro.
Enkuantu daudaun ne’e , Irene vital, kontinua hala’o nia kna’ar hanesan administrasaun iha instituisaun ne’ebe nia hakna’ar an ba, no buka tempu livre , fo treinamentu fila fali ba formandu sira iha sentru IE, hanesan fahe nia prosesu aprende durante ne’e.
Reportajen: Ekipa kobertura
