Díli,19/04/2024/(LABEH) – prezidente juri bolsa kandidtu Anita Tavares De Jesus hateten, rezultadau final teste eskrita eletroniku bolsa kandidatu ba manorin nain sira hamutuk 568 mak pasa ho valor 60 ba leten
Tuir prezidente juri bolsa kandidatu haktuir, iha loron 16 fulan abril komisaun funsaun publiku (KFP) finaliza ona teste eskrita eletroniku bolsa kandidatu ho totál ema nain 13021 ne’ebe pasa iha selesaun dokumentu ne’e iha kandidatu hamutuk nain 11, 273 mak partisipa iha teste eskrita, entaun signifika 1.748 kandidatu admitidu iha selesaun dokumentus mak la marka prezensa iha teste ne’e.
“Partisipantes teste ne’ebe mak pasa ho valor 60 liu hamutuk ema nain 568, kompostu husi feto 332, no mane hamutuk 236, ne’ebe fahe ba grupu rekrutamentu hanesan ba pre-eskolár hamutuk 34 kandidatu teste ne’ebe mak pasa ho valor 60 ba leten, ba ensinu baziku primeiru sikulu no segundu siklu hamutuk nain 170”. Dehan prezidente juri bolsa kandidatu anita tavares de jesus ba jornalista liu husi komunikadu imprensa iha sala KFP, sexta 19/04/2024
Nia hatutan, iha area konesimentu ensinu baziku terseiru sikulu hanesan lingua tetun iha 62 mak pasa ho valor 60 ba leten, lingua portuges nain 106, lingua ingles nain 48, matetmatika iha 45, siensia naturais 30, siênsia sosiais 38 no ikus liu dezenvovimentu pesosal iha nain 35.
Relasiona ho kandidatu ne’ebe pasa iha deit nain 568 ne’ebe la to’o tarjetu ministériu edukasaun nian atu rekruta bolsa kandidatu 2400, entaun iha tempu besikk sira sei loke konkursu publiku fali, maibe laos foti fila fali kandidatu ne’ebe mak la pasa iha teste eskrita ne’e.
Tanba tuir tarjetu ministerium edukasaun nian katak, atu rekruta bolsa kandidatu ba manorin nain sira hamutuk 2400 ne’e sei fahe ba grupu tolu hanesan, rekrutamentu ba iha pre-eskolar nian sira prepara kandidatu 200, ba ensinu baziku primeiru no segundu sekulu sira prepara 1000, no mos ba ensinu baziku terseiru sikulu sira prepara bolsa kandidatu nain 1200.
Enkuantu rezultadu finál teste eskrita eletroniku bolsa kandidatu ba manorin nain ne’ebe mak pasa ho valor as liu mak 79, no kandidatu ne’ebe mak valor as ne’e mai husi eskola marista baucau.
Reportajen : Adão da costa
