Friday, May 24, 2024
HomeNEWSSEF Kontinua Implementa Programa Konservasaun Floresta Iha TL

SEF Kontinua Implementa Programa Konservasaun Floresta Iha TL

Díli,23/04/2024 (LABEH) – MAPPF liu husi sekretária Estadu Floresta(SEF), kontinua implementa servisu konservasaun re-florestasaun iha area krítiku sira iha territ’oriu timor-leste.

Tuir Sekretariu Estadu Floresta ,Fernandino Vieira da costa , esplika Programa ne’ebe hetan ona aprovasaun iha parlamentu nasionál mak , oinsa kontinua planu konservasaun floresta ne’ebe hetan ona aprovasaun iha tinan 2012.

“Programa ne’ebe mak hetan ona aprovasaun iha parlkamentu nasional mak primeiru oinsa kontinua implenta planu konservasaun floresta nebe mak hetan aprovasaun iha 2012 liu-liu oinsa atu promove atividade no programa   re-florestasaun no agrofloresta iha ita nia rai, ita hotu haneten katak ita hotu presiza iha pratika ou programa re-florestasaun hodi  bele konserva no proteje fila fali ita nia area kritiku sira nebe mak durante periodu tinan naruk hodi nune’e bele rekopera fila fali ita nia kondisoens ba rai nebe hetan degradada,”asuntu ne’e hato’o bainhira SEF Priense programa Governu Rona Iha midia LABEH tersa 23/04/2024

 Membru governante ne’e hakle’an programa agro-floresta ne’e imporante tebes, SEF hala’o, tanba hare’e ba situasaun real komunidade no sosiedade timor-leste nian, barak mak konsentra ba area ne’e.

“Programa agro-floresta muito importante ita hala’o, tanba ita hatene ita nia rai maioria komunidade barak mak halo pratika ai kultura  ne’ebe  tradisionál liu, entaun presiza iha programa agrofloresta. Agro-floresta hanesan agro ne’e hanesan  ai kultura, floresta ne’e hanesan  floresta ne’ebe  entre konbinasaun produtu ai kultura no produtu floresta ne’ebe implementa. Objetivu atu hasae ita nia  kuantidade no koalidade aihan no   mos oinsa atu rekopera fila  fali ita nia kondisoens rai  neb’ebe hetan degradada,”Dehan SEF

Alende programa re-florestasaun no agrofloresta SEF mos iha ativiade kona-ba oinsa dezenvolve   viveirus komunitária, viveirus Permanente no  sentru viveirus.

“Objetivu atu dezenvolve nafatin  viveirus komunitaria oinsaatu bele  prepra espesie ai-horis nia  valor ekonomia iha merkadu nasionál no internasionál ne’e diak,  hodi nune’e komunidade sira aban bain rua bele asesu hodi foti ai-horis sira ne’e kuda, hodi sai sira nia plantasaun rasik hodi nune’e bele hadia sira nia futuru oin mai,”Sekretariu Estadu Floresta, Ferdinando Vieira da costa esklarese

Governu mos nafatin produs ai-oan tokon ida por anu hodi bele kuda iha periode tinan ida nia laran , alende ne’e mos oinsa bele tau matan ba parke nasion’al nino konis Santana iha munsipiu lautem, no mos oinsa  halo jestaun ba parke nasional ne’ebe SEF deklara ona.

Reportajen: Ekipa mídia LABEH

RELATED ARTICLES

Most Popular

Recent Comments