Díli, 16/04/2024 (LABEH)- Prezidente Repúblika ( PR), José Ramos Horta ho Embaixadora Portugál, Manuela Barros enkontru hodi koalia kona-ba prosesu relasaun bilaterál entre nasaun rua (2) Timor-Leste ho Portugál.
Tuir Embaixadora Portugál, Manuela Barros, Ohin mai hasoru malu ho Prezidente Repúblika ko’alia uitoan kona-ba ninia viajen ba Portugál nu’udar konvidadu espesiál ba selebrasaun tinan 50 revolucão dos cravos ne’ebé sei monu iha loron 25 Abríl tinan ida ne’e.
“Hau hanoin Naturalmente iha eventu sira hanesan ne’e Prezidente Repúblika sempre iha enkontru ho ninia omlógu no ministru sira hodi ko’alia asuntu sira ne’ebé importante ba relasaun bilaterál país rua nian, no tinan ida ne’e Portugál iha hela prosesu negosiasaun ba programa estratéjiku sira ba relasaun bilaterál nian país hotu-hotu inklui Timor Leste.” dehan Embaixadora Portugál, Manuela Barros, palasiu presidensiál bairo- pite tersa –feira,16/04/2024
Embaixadora ne’e hatutan, programa sira ne’ebé iha ho kooperasaun bilaterál ninian ho Timor Leste nian sei diskute no explora hamutuk oportunidade sira ba foinsa’e Timor-oan sira hodi bele hasa’e sira nia koñesimentu iha área ne’ebé importante ba dezenvolvimentu Timor-Leste nian.
“Relasaun ho selebrasaun loron revolucão dos cravos iha Timor-Leste ita realiza atividade sira hanesan kompetisaun ba poezia no iha Sábadu semana oin sei iha sentru kulturál Portugés sei ko’alia kona-ba tema dezafiu kona-ba demokrásia ne’ebé sei ko’alia kona-ba demokrásia nu’udar prióridade ne’ebé merese atu defende kada loron tanba kada loron mós demokrásia sempre iha ameasa tanba ne’e ita hakarak ko’alia kona-ba demokrásia no dezafiu sira ne’ebé infrenta iha Portugál no Timor-Leste no oinsá espetativa juventude sira nian kona-ba demokrásia ne’e rasik,” nia esklarese.
Embazadora nee mos hateten, Iha loron 25 Abríl sei iha konsertu ida iha Hotél Timor no sei anima husi kantora Timoroan sira ho knananuk orijinál Timor oan sira nian kadalak sulimutu, Nune’e mos iha loron 4 fulan Maiu sei iha mós eventu iha Eskola 4 Setembru no kafé díli, sei iha mós eventu kona-ba traballu infantíl,Hakotu.
Reportajen: Anitu Da Silva
