Friday, May 24, 2024
HomeNEWSMaske Idade Avansada Ona,   Maibe  Fransisca Pasensia  Hala’o Negosiu Iha Ponte Okos, ...

Maske Idade Avansada Ona,   Maibe  Fransisca Pasensia  Hala’o Negosiu Iha Ponte Okos,  Tan Deit Oan Sira Nia Futuru

Díli-12-09-2023-(LABEH)-Ba jornalista LABEH negosiante, Fransisca Mafalda Freitas ho idade  ne’en nulu resin ona,  maibe pasensia  hala’o negosiu  iha ponte  nia okos   tan deit   oan sira nia futuru no nesesidade loron-loron nian, lia hirak  ne’e hato’o husi negosiante Fransica, tersa-feira foin lalais ne’e,  iha ponte CPLP comoro dili, wainhira hala’o negosiu fa’an kafe,pop inklui sasan seluk tan .

Ba jornalista radio labeh, vendedora,   Fransisca Mafalda,  hateten, sasan ne’ebe nia fa’an  husi  dader to’o kalan,   dala ruma hetan rendimentu menus liu, maibe nafatin fa’an  atu nune’e  hetan  netik  osan  hodi suporta oan sira nia eskola   iha ensinu superior, no hatan ba   nesesidade  loron-loron  nian.

 “ Dader to’o kalan dalaruma, hau hetan deit lima dolor, rendimentu ne’ebe menus liu, maibe  hau nafatin  hein to’o loraik mak fila ba uma dala ida” nia dehan

Alende ne’e mos negosiante  Fransisca,  haktuir, preokupasaun ne’ebe nia hasoru, durante ne’e parte kompetente balu mos hare ona, liu husi midia no balu vizita direta nia, maibe to’o agora ladauk iha resposta.

“ Dala barak ona  media sira mai intervista hau, no boot sira mos mai hare hau to’o iha uma, hodi hato’o hau nia  preokupasaun sira ne’ebe durante ne’e hasoru,   maibe to’o agora  laiha resposta ida kona ba hau nia preokupasaun,”nia hakotu.

Inan, feton  francisca mafalda mai husi munisipiu Ermera, ne’ebe daudaun ne’a hala’o nia atividade negosiu iha Kapital nasaun, tanba deit hakarak hadia ekonomia familia no oan sira nia futuru.

Reportajem: Ms,El

RELATED ARTICLES

Most Popular

Recent Comments