Díli 04/09/2023 (LABEH) – Sekretáriu Estadu Formasaun Profisional No Empregu (SEFOPE) hala’o serimonia despedida no asina deklarasun ba familia traballador sira ne’ebe atu desloka ba nasaun japaun, no iha area servisu Technical Intern Trainer (TIT) ne’ebe ohin realiza iha salaun SEFOPE caicoli dili.
Tuir Embaixador japaun iha timor-leste, Tetsuya Kimura ,hateten, ohin loron memoravel ida ba Sekretáriu Estadu Formasaun Profisional No Empregu no maluk sira husi ceftec ho sira nia esforsu hodi implementa programa, haruka joven, estudante timor oan sira ba japaun liu husi estajiáriu Tekniku Intern Trainer
“Ba sua exelensia,Sekretáriu Estadu Formasaun Profisional No Empregu, no maluk sira husi SEFOPE, tamba ho sira nia esforsu hodi implementa programa haruka joven estudante timor oan sira ba japaun liu husi programa estajiariu tekniku intern trainer, hau hakarak mos agradese mos ba CEFTEC hodi realiza tempu ida ne’e no modifika ba maluk sira husi grupu agrikula nian, ne’ebe sei akompanna grupu joven timor nian ne’ebe sei servisu hamutuk iha tinan oin mai,” deha, embaixador japaun iha timor-leste,Tetsuya Kimura
Iha fatin hanesan eis primeiro ministru, Taur Matan Ruak, afirma,SEFOPE intituisaun ida ne’ebe importante tebes, tamba tau matan ona ba joven sira liliu oinsa servisu badinas hodi hetan oportunidade,esforsu ida ne’ebe akontese hodi tinan naruk final mente japaun aseita hodi simu joven timor oan sira
“SEFOPE importante tebes tan bele tau ona matan ba ita nia oan joven feto no mane sira, liliu preokupa oinsa bele hetan oportunidade ne’ebe servisu badinas, primeira vez haruka joven sira ba japaun esforsu ida ne’e akontese, mezmu iha tinan naruk finalmente japaun aseita hodi simu joven timor sira, japaun nasaun ida desemvolvidu iha mundu liliu iha rejiaun japaun mos nia populasaun katuas no ferik mak barak sira nia mao de obra kiik ou itoan, sira simu ema husi nasaun seluk hodi servisu iha ne’eba,” Eis primeiro ministru, Taur Matan Ruak hato’o asuntu ne’e iha salaun SEFOPE Caicoli Díli
Iha ambitu ne’e mos, Sekretáriu Estadu Formasaun Profesional No Empregu, Rogério Araujo Mendonça, sente orgulio no previleziu ida iha SEFOPE, tamba eis presidente no eis primeiru ministru, Taur matan Ruak, ne’ebe vizita dah-uluh iha SEFOPE, nune’e agradese mos ba embaixador japaun iha timor-leste ne’ebe mak servisu diak tebes ho embaixador timor -leste hodi haruka joven sira ba japaun
“Primeiro orgullu no sente hanesan previleziu no ongdra boot ida mai iha SEFOPE, tamba pela primeira vez, eis president no eis primeiru ministru , Taur Matan Ruak, hala’o vizita mai iha SEFOPE, no SEFOPE kontenti tamba nu’udar veteranus nu’udar aman ba nasaun sei prevê iha oportunidade ida mai akompanna nafatin ami jerasaun foun ukun ho responsablidade ba rai doben ida ne’e , hodi halo koperasaun ho kompanhn japaun hodi simu trabaillador , nain sanulu resin haat(14) ida rejina tiha hela sanulu resin tolu(13) nain hitu(hetan oprtunidade hodi ba uluk no nain ne’en(6) sei iha baze segundu,” nia salienta
Etretantu serimonia ne’e hetan partisipa husi, eis primeiro ministru no eis prezidente repúblika demokrátika timor-,este, Taur Matan Ruak,embaixador japaun iha timor-leste, Sekretáriu Estadu Formasaun Profesional No Empregu, eis Sekretáriu Estadu Formasaun Profesional No Empregu, diretor jerais no nasionais, xefi departamentu funsionariu, trabalhadores, familia no konvidadus sira.
Reportajen: Marcyana Soares
