Díli -30-09-2023(LABEH)- Selebrasaun Aniversáriu Colegio São Miguel Arcanjo Ba Dala 21 No Televizaun Edukasaun Timor Ba Dala 8 , Iha Salaun São Miguel Arcanjo Rai Kotu Díli,Sabadu Foin Lalais Ne’e
Prezidente Konsellu Imprensa (KI) Otelio Ote,iha nia diskursu hamonu mata-wen iha âmbitu selebrasaun aniversáiu TVET ba dala 8 no Colegio São Miguel Arcanjo ba dala 21, tanba hanoin durante nia kontribuisaun iha TVET iha tinan hirak ba kotu ne’ebé realiza iha salaun Colegio São Miguel Arcanjo Rai Kotu Díli. Prezidente Konsellu Imprensa (KI) hateten, Televizaun Edukasaun Timor envolve maka’as tebes iha meiu komunikasaun sosiál liu-liu iha edukativu, diverte no kontrolu sosiál
“ Hau sente kontenti no hakara husu deit TVET kontinua existe liu husi plataforma kontitusionál liu husi media komunikasaun sosiál televizaun jornal no mos online tvet ne’ebe esforsu makas espera katak tinan lima tuir mai hetan nafatin espresaun publiku,” Prezidente Konsellu Imprensa (KI) Otelio Ote, haktuir bainhira partisipa iha serimonia selebrasaun Aniversáriu Colegio São Miguel Arcanjo Ba Dala 21 No Televizaun Edukasaun Timor Ba Dala 8 , Iha Salaun São Miguel Arcanjo Rai Kotu Díli
Biban ne’e mos, IX governu liuhusi Serekretáriu Estadu Komunikasaun Sosiál (SEKOMS), Expedito Loro Dias Ximenes, dehan media pilar importante ba demokrasia, tanba ne’e presiza tau atensaun ba dezenvolve media iha tl
“Hanesan representatne membru governu ne’ebe tau matan ba area komunikasaun sosiál ,no nonu governu iha programa tinan lima nia laran fo atensaun ba komunikasaun sosiál ba dezenvolvimentu komunikasaun timor leste , tamba media pilar imprortante ba demokrasia” Serekretáriu Estadu Komunikasaun Sosiál hateten
iha fatin hanesan Director Ezekutivu Televizaun Edukasaun Timor (TVET), Armindo Crisna Caetano, iha nia diskursu hateten, nia dirigi instituisaun rua ne’e hahú husi rai-rahun
“ Tinan ida ne’e ita hetan dejafiu barak, tamba ita heta projetu afetadu husi estadu , mai hau kopera ho governu,no ita sei hakat liu dezafiu ida ne’e , maibe neneik ba bebeik iha maromak sei tulun ita,” Director Ezekutivu Televizaun Edukasaun Timor (TVET), Armindo Crisna Caetano,dehan
Iha momentu selebrasaun ne’e director ezekutivu mós distribui sertifikadu apresiasaun ba parseirua sira, maka hensan, NGO LABEH, Vice Daruak PM, SEKOMs, Host Ba Debate, Painel Juri kompetisaun no orador,a sira ne’ebé durante partisipa debate iha TVET
Reportajem: Honorio Guterres , Manuela Moniz