Díli 29-09-2023(LABEH)- Governu liu husi Seretáriu Estadu Formasaun Profisional No Empregu Interinu, atuál Sekretá Estadu Dezenvolvimentu Lokál, hamutuk ho Diretor Jerál Interinu, Diretor Nasionál Empregu Estrajeiru Interinu hala’o serimonia despedida no asina deklarasaun ba joven timor-oan nain 86 ne’ebe atu ba servisu iha australia . Atividade ne’e realiza Sexta-Feira Iha Salaun Timor Lodge Comoro
Tuir Seretáriu Estadu Formasaun Profisional No Empregu Interinu, Mateus Dos Santos Tallo, hateten, nonu governu konstituisionál, kontinua buka kopresaun ho nasaun amigu sira hodi oinsa hetan oportunidade ba joven sira, nune’e ba servisu,tamba tuir peskiza sensus uma kain 2022 joven barak sei mak sei tama ba kampu servisu ho produtivu
“ Nonu governu konstituisional kontinua buka koperasaun ho paises amigo sira para oinsa atu bele hetan oportunidade hodi bele ita nia joven sira partisipa oportunidade ne’e ba servisu ,”dehan Seretáriu Estadu Formasaun Profisional No Empregu Interinu, Mateus Dos Santos Tallo, iha salun Timor Lodge Comoro
Seretáriu Estadu Formasaun Profisional No Empregu Interinu, Atual Sekretáriu Estadu Dezenvolvimentu Lokal, hatutan, politika nonu governu durante tinan lima sei foku ba kresimentu ekonomia lokal,tamba ne’e joven sira ba servisu iha liur haruka osan mai la’os tama kofre estadu, maibe ba inan, aman , hodi hadia ekonomia familia nian
“ Ho politika governu nian durante tinan lima ita sei foku ba kresimentu ekonomia lokal, ita bo’ot sira servisu iha rai liur , la’os hatama osan mai iha kofre estadu, maibe ita bo’ot sira haruka osan mai familia hodi hadi situasaun ekonomia familia nian, entaun ita bo’ot sira sai autór prinsupal , sai eroi ba dezenvolvimentu nasionál ba ita –nia rai,” Seretáriu Estadu Formasaun Profisional No Empregu Interinu, Mateus Dos Santos Tallo, salienta
Iha fatin hanesan Diretor nasionál Estranjeiru Interinu, Egino Ferreira , iha serimonia asina deklrasaun ne’e traballador hamutuk walu nolu resin ne’en, sei desloka ba australia, tamba prosesu ne’ebe liu hotu ona, trabalhador nain walu nolu resin ne’en husi munisipiu sanulu resin tolu
“Iha serimonia asina deklarasaun ne’e, númeru traballador hamutuk walu nolu resin neˈen, ita sei desloka sira ba australia, tamba ne’e fo informa katak prosesu ne’e sira liu hotu ona balun ba dala rua, no balun foun, no traballdor sira ne’e mai husi munisipiu sanolu resin tolu” Diretor Nasionál Empregu Estrajeiru Interinu haktuir
Alende ne’e mos seretáriu estadu formasaun profisional no empregu interinu, husu ba traballador sira katak, ba servisu ho susesu fila ho susesu hodi kontribui ba prosesu desenvolvimentu nasaun timor-leste nian ho diak.
Entretantu iha serimonia asina deklarasaun ne’e hetan partisipa husi, Sekretáriu Estadu Dezenvolvimentu Lokal, diretor interinu,diretor gabinete juridiku,representante koordenador embaixada australia, traballador inkliu inan aman sira
Reportajem: Ella Moníz
