Díli- 18/10/2023 (LABEH) – Kuarta-feira ne’e, salaun FONGTIL caicoli, Aliansa Nasional Kombate Krime Infantesidiu, aktualiza aktu prosesu motarizasaun kazu soe bebe ne’ebe akontese iha tersa feira 03/10/2023 iha igreja motael DíLI, liu husi komunikadu imprensa
Tuir diretor ezekutivu ANCI TL, José Turky hateten,halo aktualizasaun ba prosesu kazu soe bebe ne’ebe akontese iha igreja motael, ekipa husi Aliansa Nasional Kombate Krime Infantesidiu desloka kedas iha fatin ho linas servisu sira liu-liu PNTL,Autóridade Lokál no parte Saúde hodi halo intervensaun imediata ba iha aktu refere
“Komunikadu imprensa atu halo aktualizasaun ba prosesu kazu ne’ebe akontese iha dia 03 outubro tinan ne’e, ne’ebe iha igreja motael tan ne’e iha dia 03 ekipa husi Aliansa Nasionál Kombate Krime Infantesidiu, desloka kedas iha fatin ho linas servisu sira liliu PNTL,Autoridade lokal no parte Saude hodi halo intervensaun mediata ba iha aktu refere ita hotu hotu akompanha liu husi ezaminasaun katak bebe labele salva ona no iha ezaminasaun sinal hatudu katak bebe nia estrutura isin lolon husi parte kakorok no direita hetan pankada husi ema koinesidu halo asaun prátika no halo violasaun hodi hakotu bebe nia vida,” Diretor ezekutivu ANCI TL, José Turky hateten, Kuarta-feira ne’e, salaun FONGTIL
Nia hatutan,hanesan Aliansa , durante ne’e servisu iha area refere, husu ba parte hotu-hotu responsablidade hodi hola medidas alternativa hodi unifika no garantia estratéjia integradu hodi fo resposta ba asuntu sira liu husi ezaminasaun
“Hanesan Aliansa ida nebe durante ne’e servisu iha area ida ne’e, husu ba parte hotu-hotu nia responsablidade hodi hola medidas alternativa hodi unifika ita nia forsa hodi garantia estatezia ida nebe integradu hodi bele fo respostas nebe mak ekivalensia ba iha asuntu ida ne’e liu husi ezaminasaun biban ida ne’e aliansa rekomenda ba Parlamentu Nasionál hanesan mos orgaun segundu ida soberania iha nia papel rua lei no fiskalizasaun ami rekomenda ba Parlamentu Nasionál ,”Nia hakle’an
Aliende ne’e director ezekutivo ANCI TL nafatin husu ba Parlamentu Nasionál hodi halo regulamentu ida ba iha kódigu penal ba asuntu ne’e refere
Reportajen: Marcia Soares
