Díli – 24/10/2023 (LABEH) –Tersa-Feira Ne’e Fundasaun CAUCUS No Plan Internasionál Timor- Leste Realiza Kolokiu Nasionál iha salaun Delta Nova, Ne’ebe Partisipa Husi Ema Atus Ida(100) Inklui Feto No Mane, ema ho Difisiensia, Organizasaun Sosiedade Sivil, xefi Suku Feto, Kandidatu Xefi Suku Feto, Grupu Juventudi, Orgazanizasaun Feto, no konvidadus sira
Tuir diretora fundasaun CAUCUS, Terezinha Maria Naronha Cardoso, hateten, partisipasaun feto iha politika no lideransa lokál suku, hodi promove dezenvolvimentu komunidade inklui prespektiva jéneru no promove justisa sosiál
“Partisipasaun feto iha politika no lideransa lokál iha elisaun suku,importante asegura katak partisipasaun feto sai hanesan elementu ne’ebe fortalese demokrasia no promove dezemvolvimentu komunidade ho perspektiva igualitaria.kontribuisaun feto sei asegura desizaun sira ne’ebe afeita komunidade sira,inkliu prespetiva jéneru no promove justisa sosiál,” diretora fundasaun CAUCUS, Terezinha Maria Naronha Cardoso, hatetn
Iha fatin hanesan Embaixador Uniaun Europeia, iha timor-leste , March Friedrich, afirma komprimisiu jerál, iha timor-leste bazeia ba misaun observasaun eleitoral Uniaun Europeia, feto, joven no ema difisiensia sira iha kulaidade lideranasa hodi kontribui ba dezenvolvimentu aldeia, suku no nasaun
“Eventu ne’e parte ida husi ami nia kompremisiu jeral ba demokrasia iha timor-leste no bazeia ba misaun observasaun eleitoral Uniaun Europeia.feto,joven no ema ho difisiensia sira iha kualidade lideransa hodi kontribui ba dezemvolvimentu aldeia,suku no nasaun,liu husi partisipasaun hanesan eleitoral ka kandidatu ne’ebe lori ona nasaun ba oin,” Embaixador Uniaun Europeia, iha timor-leste , March Friedrich,afirma
Biban ne’e mos diretora, Plan Internasionál, Fatima Estrela Soares, dehan, liu husi eleisaun demokrátiku suku, sei hasaˈe númeru kandidatu feto, joven no ema ho difisiensia
“Liu husi eleisaun demokrátiku iha suku sei hasa’e numeru kandidatu feto,joven no ema ho difisiensia.nune’e eventu ne’e ho foku dahuluk maka atu eleva númeru feto sai xefi suku ba periodu 2023-2030,” diretora, Plan Internasionál, Fatima Estrela Soares,dehan
Maske lei fo dalan hodi feto kompete iha eleisaun suku, nune’e presiza empodera no promove husi feto sira iha eleisaun suku ne’ebe sei realiza iha 28 outubro tinan ne’e
Reportajen: Ekipa kobertura
