Bobonaro-16/11/2023 (LABEH)- Loron-Dahuluk ba Seminariu Festivál Fronteira 2023 ho tema “Memoria Koletiva Husi Memoria Ba Esperansa”,hodi koalia kona ba kultura Wehali to’o Estadu modernu ne’ebe realiza iha gor Zinajiu Munisipal Maliana.
Iha intervista prezidente da Repúblika Timor-Leste, Jose Manuel Ramos Horta, hateten Semináriu ne’e hodi koalia kona ba kona-ba istória, kultura rekonsiliasaun, damen ne’ebe importante tebes ba nasaun timor-leste no nasaun indonesia liu-liu ba provinsia Nusa Tengara Timur (NTT)
“Seminariu ida ne’e importante tebe-tebes hodi koalia kona-ba istória, kultura, rekonsiliasaun, damen, inportante ba nasaun timor leste no nasaun indonesia liu-liu ba provinsia NTT, nuneˈe Sekrétaria Estadu Arte no kultura (SEAK) inisiativa hamutuk ho Centro Nasionál Chega (CNC) tuir komprimentu implementasaun rekomendasaun ne’ebe mak iha chega para hodi hare ba oin hametin damen rekonsiliasaun ho timor oan sira hotu-hotu iha rai laran no iha rai liur no timor oan lubuk ida iha NTT indonesia ne’ebe keur ona la mai tanba sei tauk, maibe ha’u detemina atu koalia ho maun boot xanana atu taka prosesu hotu-hotu husi 1975 to’o mai 1999,” Prezidente Repúblika Dehan
Iha parte seluk Marianu Maskarinhas, nu’udar timoroan ne’ebe hela iha kupang, partisipa iha eventu ne’e, hateten Semináriu ne’e furak tebes, tanba atu hametin rekonsiliasaun entre timor-leste ho indonesia tanba timor-leste ho indonesia iha ona konkordansia atu hametin rekonsiliasaun ih futuru.
“Hanesan timor oan ne’ebe hela iha indonesia tuir ha’u hare seminariu ne’e diak tebes-tebes tanba atu hametin rekonsiliasaun entre timor leste ho indonesia nune’e timor leste ho indonesia halo ona konkordansia atu hametin rekonsiliasaun iha futuru liliu ba oan bei oan sira,” Marianu Maskarinhas, haktuir
Seminariu ne’e hala’o inisiativu, husi Governu liu husi Centro Nasionál Chega, Sekrétaria Estadu Arte no Kultura no apoiu husi Prezidente da Repúblika
Reportrajen: Eufrásia Da Costa
