Saturday, February 24, 2024
HomeNEWSJSMP Ho Fundasaun Asia Lansa  Relatóriu  Peskiza Kona- Ba Sistema Justisa Lokál

JSMP Ho Fundasaun Asia Lansa  Relatóriu  Peskiza Kona- Ba Sistema Justisa Lokál

Díli- 5/12/2023 (LABEH) – Programa Monitorizasaun Sistema Judisiál (JSMP) ho Fumdasaun Asia Hala’o Lansamentu Relatóriu peskiza kona-ba sistema justisa lokál iha timor-leste  no diskusaun oinsa haforsa asesu ba informasaun iha prosesu justisa, atividade  lansamentu ne’e hala’o iha salaun Tower Fatuhada Díli  loron 5 fulan dezembru tinan ne’e

Iha  diskursu diretora JSMP, ana paula marçal, hateten, ohin lansamentu ba peskiza PASK ho JSMP halo iha tinan ida ne’e hala’o iha munisipiu 9 ne’ebe hare’e liu ba justisa komunitária

“Ohin loron espesial ba Programa Monotorizasaun Sistema Judisiál( JSMP) no loron lansamentu ba peskiza, ne’ebe serví mai hau durante tinan da-6 ne’ebe kobre ona ba munisipiu sia(9), hare liu ba justisa,sei lansa relatóriu  halo peskiza no bareira barak tebes ne’ebe akontese iha komunidade ,saida mak hadia iha Ministéiru Justisa,iha komunidade no komunikadu nian”diretora JSMP  dehan

Fatin hanesan, Koordenadora Grupu Reforma Setór Justisa, Lucia Lobato, informa, partisipa iha lansamentu peskija relatóriu ida ne’e, senti importante tanba hanesan materia ida ba governu, oinsa mak bele elabora politika konkreta kona-ba  reforma justisa

“Hau mai partisipa iha lansamentu relatóriu ida ne’e, sente importante atu fo materia ida ba governu hodi elabora politika kongreta kona-ba reforma justisa rasik,tamba ita hotu-hotu hatene katak nono governu ninia programa boot ida, ba iha governu ida ne’e mak reforma ba justisa” hateten Koordenador Grupo Reforma Setor Justica Lucia Lobato

Partisipante ne’ebe partisipa iha lansa relatóriu ne’e, mak reprezentante Ministeriu Solidaridade Sosial No Inkluzaun , reprezentante PAKS, Sosiedade Sivil, ekipa JSMP, no Fundasaun Asia inklui konvidadu sira

Reportajen: Manuela Moníz & Marciana Soares

RELATED ARTICLES

Most Popular

Recent Comments