Sunday, April 14, 2024
HomeNEWSAPC Rezistu Kazu Familia Afetadu Ba Dezastre Naturais Hamutuk 125

APC Rezistu Kazu Familia Afetadu Ba Dezastre Naturais Hamutuk 125

Díli, 26/02/2024 (LABEH) -Autoridade Protesaun Sivil, Liu husi servisu, Sentru Nasional Operasaun Protesaun sivil (CNOPC) aktualiza informasaun relasiona ho klimatika, mosu udan boot Hahu iha loron 20-26 Fevereiro 2024 Durante Semana ida ne’e, no akontesementu dezastre naturais  ba populasaun sira iha território Timor-leste.

Liu husi komunikadu imprensa segunda feira nee, porta-voz Xefe sekretariadu Komunikasaun externa APC Nelson Nunes de Orleans ba jornalista sira hateten ba semana nee APC hakarak hatoo relatório servisu atendimento APC nian ba publiku ligado ho família afetadu ba dezastre naturais sira iha semana nee iha território Timor leste.

Enkuantu dadus konkreta nébe mak APC asesu total família afetadu nébe hetan desastre, kada munispiu sira iha teritoriu  Timor leste, Centru Nasional Operasaun Protesaun Sivil (CNOPC) rekolla ona hamutuk  atus ida rua nulu resin Lima (125) inklui mós família balun nébe mak lakon vida husi akontesimentu nee

“CNOPC-APC rejistu uma hamutuk Xefi familias 125 mak hetan estragus (Mate 1) ho liu-liu iha Munisipiu sira hanesan tuir mai ne’e; Municipiu Aileu (Anin sobu 1), Municipiu Baucau (Anin sobu 12), Municipiu Covalima (Ahi han 1), Municipiu Ermera (Anin sobu 3 no rai halai 1) RAEOA (Be’e sae 102 no ida lakon vida), Municipiu Viqueque (Anin Sobu 5).” Dehan chefe sekretariadu relasaun Komunikasaun  protesaun sivil, Nelson Nunes de Orleans ba jornalista sira iha sala komunikadu imprensa APC kaikoli segunda semana nee 26/02/24

Portavoz nee esplika , Hafoin hetan akontesimentu dezastre ba família afetadu sira, komandu autoridade protesaun sivil kada munispio hamutuk ho parseiru importante sira halo kedas intervensaun hodi apoiu emerjensia ba familia afetadu sira ho kategoria  apoiu ai han hanesan fos supermie mina no seluk tan

Nune’e mos ekipa cnopc nian servisu makas Liu tan hodi hahu edentifika ba família afetadu sira nia Sasan nébe mak hetan estragus, hafoin relata mai iha nasional hodi hetan apoio ruma husi governu nune’e bele rekopera fila fali

“Comando APC Munisipiu ho Parseirus Relevante fornese asistensia emerjensia ba familia afetadus sira mak hanesan Ai-han no laos Ai- han (food item & Non-food Item). Komando Operasional Autoridade Protesaun Sivil (KOAPC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon. Remata

Nia informa tan Liu husi informasaun protesaun sivil nian nafatin husu ba sidadaun hotu-hotu atu kuidadu An nafatin labele hela Besik iha Fátin risku sira nune’e labele hamosu dezastre Naturais

Reportajem: Abrão da Costa

RELATED ARTICLES

Most Popular

Recent Comments