Díli, 26/02/2024 (LABEH)- ema ho difisiensia matan, Lurdes Martins Pinto, maski ho difisiensia matan maibe nunka lakon esperansa hodi hala’o nia estudo iha universidade nasional timorl-lorosa’e,foti fakuldade ciência sociais, departamentu dezemvolvimentu komunitariu, sempre fahe orariu hodi ba eskola no tuir atividade extra ema ho difisiensia nian ETBU
Lurdes Martins Pinto hatete,maski ho difisiensia matan ,maibe nafatin buka maneira hodi fahe tempu ba eskola no mos hala’o atividade extra ruma ihainstituisaun difisiensia nian
“Koalia kona ba eskola haˈu sente kontente, maske ho atividade ne’ebe barak maibe ha’u buka maneira oinsa hodi fahe tempu ba eskola no mos atividade extra ruma iha parte difisiensia nian,karik ha’u ba eskola iha dader entaun loraik ha’u mai tuir fali atividade extra kona ba difisiensia nian no iha eskola ha’u foti Fakuldade Ciência Sociais, Departamentu Dezemvolvimentu Komunitariu,” Lurdes Pinto ba jornalista LABEH, segunda-feira, 26/02/24
Nia hatutan,difikuldade nebe hasoru maka,dalan tanba bainhira tempu udan,mota tun difikullta nia, labele ba eskola ,tanba daudaun ne’e hela iha ai-lorok laran
“Difikuldade ne’ebe mak ha’u hasoru li-liu kona ba dalan no bemo tamba ha’u hela iha ailok-laran tamba dalan, tamba wainhira udan mota bot sai difikulta tebes ba ema ho difisiensia sira”nia Hatete
Enkuantu Lurdes Martins Pinto, husi postu administrativu viqueque vila, munisipio viqueque dadaun ne’e hela iha dili ailok-laran, no kontinua ensinu superior iha UNTL
Reportajem: Marcia Soares