Díli,29/02/2024 (LABEH) – Sekretáriu Ezekutivu Komisaun Nasionál Desportu (KND), Cesaeino da Silva ho Ministru Juventude Desportu Arte no Kultura (MJDAK) Nelyo Isac Sarmento, halo diskusaun kona-ba Timor-Leste sei partisipa jogu olimpiku iha París, fulan Jullu tinan ne’e.
Ministru MJDAK, Nelyo Isac Sarmento, haktuir sira halo konvoka reuniãun atu foti desizaun katak, modalidade saida no atleta nain hira mak atu partisipa jogus olimpiku iha París.
“Ita konvoka reuniaun sira ne’e atu halo desizaun kona-ba modalidade saida no atleta hira mak atu partisipa iha olimpik París, nune’e depois ami halo diskusaun , rona mós aprezenta husi komité olimpik Timor-Leste no mós konfederasaun desportu Timor-Leste (CDTL)”. Dehan Ministru MJDAK, Nelio Isac Sarmento ba jornalisata iha salaun MJDAK, kinta ne’e
Nia dehan, Komisaun Nasionál hare katak, seidauk to’o iha konkluzaun ida atu desidi modalidade ida ne’e, i mós atleta hira mak atu ba partisipa. Kestaun tanba to’o agora komisaun nasionál desportu seidauk simu informasaun husi kada federasaun,nune’e komité olimpik no CDTL kona-ba federasaun no atleta hira mak kualifikadu atu ba jogu iha jogus olimpiku.
“Neste momentu ita iha modalidade lima, ne’ebé iha tinan hirak liu ba hetan kooperasaun ne’ebé mai husi internasionál komité olimpiku fó apoiu ba federasaun sira hodi atleta sira prepara sira nia an”. Nia informa
Enkuantu modalidade sira ne’e mak hanesan, taekondo, Natasaun, hiit besi, atletismu, ho tan Badminton, ne’ebé sira hetan bolsu estudu husi olimpiku internasionál komité ba halo preparasaun ba ida ne’ebá. Maibé neste momentu ita la iha informasaun kona-ba sira nia andamentu ka progresu ne’ebé sira halo.
“Ita la hatene sira nia Prestasaun oinsá, tanba ne’e komisaun nasionál foto desizaun ba Kestaun ida ne’e ita seidauk halo distribuisaun, depois komisaun nasionál sei haruka Karta ba komité olimpiku ho CDTL, atu nune’e sofre nasaun sira hotu hatene lolos kona-ba kondisaun interna kada federasaun ninian, no mós progresu federasaun lima ne’ebé mak ohin ha’u temi, atu nune’e sira halo fali desizaun interna iha CDTL depois lori mai komisaun nasionál hodi halo desizaun kona-ba partisipasaun ita nia jogus ne’e”. Nai hakotu
Reportajem: Adão da Costa
